FLASH
Shkruar nga Ylli Pata
Forma e parashtrimit të kësaj “ideje”, pra e formimit të një shteti “bektashi” nuk erdhi si një kërpudhë e politikës së ditës, por si një shkrim i gazetës The New York Times.
Reagimi masiv në rrjet, pra që bëhet nga aspekti masiv i njerëzve ndaj idesë të shtetit bektashi ka mjaft arsye, që janë sa objektive dhe subjektive. Por ajo që duket si një rezultante e të gjithave, është kujdesi qytetar i shqiptarëve ndaj tërësisë së Shqipërisë Republikane. E që është një zhvillim pozitiv, pavarësisht se nuance të këtij reagimi kanë edhe elementët frodjanë të egos apo të thanasos.
Pra një mbizotërim i një instikti ndaj një komuniteti që duket se po merr një superxhiro. Por ky është diskutim tjetër.
Forma e parashtrimit të kësaj “ideje”, pra e formimit të një shteti “bektashi” nuk erdhi si një kërpudhë e politikës së ditës, por si një shkrim i gazetës The New York Times.
E cila dihet se nuk është media sencacioni por media opinion. Pra me fjalë të tjera, shkrimet e saj kanë aq ndikim sa ndër vite kanë ndryshuar qeveri apo kanë trazuar edhe marrëdhënie të rëndësishme ndërkombëtare.
Ky sinjal, por edhe të tjerë që lidhen sot pas një qepjeje të shpejtë, jep të kuptosh se kemi një zhvillim gjeopolitik. Zhvillim që synon që të përforcojë apo të betonojë një realitet shqiptar brenda komunitetit botëror të myslimanëve.
Kryegjyshatës Botërore të Bektashinjve, të cilën kanë vite që e sulmojnë jo vetëm pjesë të islamit politik dhe atij radikal në Shqipëri, por edhe qendrat Shiite në Iran apo vende të tjera.
Nuk është çudi që kryegjyshata ka qenë cak i një sulmi terrorist i disa viteve më parë nga shërbime të huaja të lidhur me Iranin, që sollën më pas edhe largimin e diplomatëve dhe ndërprerjen e marrëdhënieve diplomatike.
Ka qartazi përpjekje perëndimore për ta ruajtur këtë kozmos klerikalo kulturor që përfaqësojnë bektashinjtë në Shqipëri.
Dhe nuk është sekret që këta faktorë globalë janë dy nga aleatët e Shqipërisë: SHBA dhe Izraeli. Ndërkohë që kundër jo me mend por me vepra kanë qenë kundërshtarët gjeopolitikë të SHBA dhe Izraelit.
Po në rrafshin politik si është puna? Këtu kemi risi të bujshme. Në këtë aspekt kemi edhe një afrim që deri dje ishte i pamenduar i atyre faktorëve që janë ose kanë qenë shumë larg me njëri tjetrin. Për shembull për këtë çështje, në rrjet avokat Ngjela që është një anti-berishjan i tërbuar, kanë shkëmbyer komplimente me një gazetar të njohur të televizionit të Berishës për këtë çështje. Koloriti i komplimenteve tregonte shumë. Pra me fjalë të tjera, anti-berishjanët, berishjanët dhe vetë Ilir Meta, si dhe të tjerët, kanë marrë një kauzë.
Një kauzë që në dukje s’është e vogël, por ka brenda edhe nuance të ndryshme gjeopolitike, pra disa janë kundër për inat se e përkrah SHBA e disa se e shikojnë një kauzë që bashkon palët.
E në fakt i bashkon, por realisht a janë kundër të gjithë njëlloj? Natyrisht që jo, megjithatë lajmi është se të gjithë që nuk e pëlqejnë Ramën sot janë rreshtuar ashpër kundër Baba Mondit. Jo thjeshtë Ilir Meta e Sali Berisha, por deri edhe avokat Ngjela. Realisht ky është lajmi i sotëm, por duhet pritur sesi do të shkojë kjo histori.
Lini një Përgjigje