FLASH
Shkruar nga Pamfleti
Në kuadër të Samitit të NATO-s që po zhvillohet në Ankara, Presidenca e Turqisë ka publikuar një fotografi të Sekretarit të Përgjithshëm të Aleancës, Mark Rutte, së bashku me presidentin turk Recep Tayyip Erdogan.
Në imazhin e shpërndarë nga presidenca, dy liderët shihen duke ecur krah për krah, duke mbajtur njëri-tjetrin për dore, në një gjest që ka tërhequr vëmendjen.
Sipas analistëve dhe vëzhguesve të politikës ndërkombëtare, kjo skenë mbart një simbolikë të veçantë dhe interpretohet si një tregues i peshës në rritje që Turqia po fiton brenda Aleancës Veri-Atlantike.
Presidenti Erdoğan pritet të zhvillojë një takim dypalësh me Donald Trump sot, i cili sipas programit do të pasohet nga një konferencë e përbashkët për shtyp. Në mbrëmje, Erdoğan dhe bashkëshortja e tij Emine Erdoğan do të shtrojnë një darkë zyrtare për liderët pjesëmarrës dhe bashkëshortët e tyre.
Ditën e dytë të samitit do të zhvillohen ceremonia zyrtare e mirëseardhjes, fotografia familjare e liderëve dhe sesioni kryesor i punimeve, pas fjalës hapëse të Mark Rutte.
Lini një Përgjigje