FLASH
Shkruar nga Pamfleti
Institucionet e sigurisë në alarm, si ju rrit numri i truprojave Dumanit pas incidentit me makinën e kompanisë “Solomon Group”. Dyshohet i përfshirë edhe Salillari...
Një incident i pazakontë ka ndodhur disa ditë më parë me eskortën e sigurisë së ish kreut të SPAK-ut, Altin Dumani. Një makinë e dyshimtë me fenelina ka ndjekur makinën me të cilën udhëtonte ish kreu i SPAK-ut, Altin Dumani, nga Shkozeti deri te “Casa Italia” në Tiranë. Bëhet fjalë për një makinë tip “Volkswagen”, me targa AB 059 YL, e cila nga Shkozeti deri në Tiranë nuk i është ndarë nga pas makinës, në të cilën udhëtonte Altin Dumani.
Makina private ka ngjallur dyshime dhe më pas shqetësim te grupi që shoqëronte Altin Dumanin, i cili ka informuar Policinë e Shtetit. Strukturat e Policisë së Shtetit kanë marrë masa duke angazhuar përforcime, ndërsa është bërë menjëherë verifikimi i targave të mjetit Volkswagen me fenelina. Rezultati ishte befasues. Mjeti i cili ndiqte makinën e Altin Dumanit i përkiste kompanisë “Solomon Group”, një kompani e themeluar nga vëllai i deputetes Elisa Spiropali, Enkli Spiropali.
Sot kompania, përfituese e parave publike, është në pronësi të kunatës së Elisa Spiropalit, Blerina Totaj. Pronarët realë të kompanisë "Solomon" besohet se janë Elisa Spiropali me bashkëshortin e saj Salarjon Totaj, çift i cili fshihet pas një rrjeti kompanish përfituese e miliona eurove para publike. Policia vijon hetimet mbi arsyet dhe rrethanat e plota të incidentit, i cili ka shqetësuar ish kreun e SPAK-ut, Altin Dumani, për të cilin për shkak të kërcënimeve, KLP-ja ka kërkuar shtimin e masave të sigurisë.
Po pse makina në pronësi të biznesit të Elisa Spiropalit dhe Salarjon Totajt ka ndjekur makinën me të cilën udhëtonte Altin Dumani?
Disa muaj më parë, bashkëshorti i Elisa Spiropalit, Salarjon Totaj u fotografua duke hyrë në ambientet e Prokurorisë së Posaçme. Totaj është marrë në pyetje për disa orë në SPAK. Arsyet e paraqitjes së tij në SPAK mbeten ende të paqarta. Nuk pati as njoftim nga SPAK për çështjen për të cilën ishte thirrur bashkëshorti i zonjës Spiropali. Nuk dihet nëse Totaj është thirrur si person në dijeni apo për të SPAK-u ka hapur ndonjë dosje penale.
Ka dyshime të forta se çifti Spiropali-Totaj kanë përfituar disa tenderë të mëdhenj publikë duke përdorur si mbulesë kompaninë e Salillarit. Ndërkaq, disa ditë para se makina e kompanisë "Solomon" ka ndjekur Altin Dumanin, një skuadër e BKH-së ka ushtruar kontrolle dhe ka bastisur zyrat e Pëllumb Salillarit, pjesë e dosjes së SPAK për korrupsionin me projektet e infrastrukturës rrugore.
Sipas burimeve, gjatë bastisjes që ka zgjatur disa orë, agjentët e BKH-së i kanë sekuestruar Salillarit të paktën 15 telefona dhe laptopë, në të cilët besohet se ka materiale me vlerë për hetimet. Hetimet e SPAK duket se kanë zbuluar disa linja korrupsioni me paratë publike si dhe kanë tronditur interesa të fuqishme financiare.
Afera korruptive e Spiropalit
Në gusht të vitit 2013, disa muaj pasi Partia Socialiste fitoi zgjedhjet parlamentare, vëllai i Elisa Spiropalit, Enkli Spiropali themeloi në Fier kompaninë "Solomon Construction", me objekt import-eksport e tregtimin me shumicë e pakicë të artikujve të ndryshëm industrialë. Në prill 2015, Enkli Spiropali ia shet kompaninë Marjus Memushajt, i cili është kushëriri i Salarjon Totajt.
Gjatë kohës kur kompania ishte në pronësi të vëllait të Spiropalit dhe pas kalimit formal në emrin e Marjus Memushajt, rezulton se ka përfituar para publike nga Ujësjellësi i Fierit kur drejtohej nga Salarjon Totaj. Më 27 mars 2014, bashkëshorti në atë kohë jo zyrtar i Spiropalit, Salarjon Totaj i jep një tender me vlerë 66 mijë euro vëllait të Spiropalit, Enkli Spiropali.
Në një reagim në Facebook, në shkurt të vitit 2019, zonja Spiropali tha se vëllai i saj nuk kishte përfituar fonde publike, duke mohuar evidencat dhe faktet që tregonin përfitimin në konflikt interesi, madje në formë korruptive. Nga vitit 2014 deri më 2016, bashkëshorti i Spiropalit i ka dhënë 350 mijë euro tenderë kompanisë së vëllait të Spiropalit.
Në maj të vitit 2024, vëllai i Spiropalit, Enkli Spiropali vendos t’i futet një tjetër biznesi. Ai themelon kompaninë e taksive Blest Taxi bashkë me Klodjan Kalldanin me kapital 100 mijë lekë. Administrator të kompanisë fillimisht caktojnë Besmir Metanin, i dyshuar si i përfshirë në biznesin kriminal të mashtrimit përmes call centrave. Spiropali dhe Kalldani e nisën biznesin me një flotë prej 5 taksish.
Ndërkaq, kompania "Solomon Construction" e themeluar nga vëllai i Spiropalit do të përfundonte në duart e kunatës së saj, Blerina Totaj. Në tetor 2021, Marjus Memushaj e shet kompaninë "Solomon" te kompania "Fortes Construction" për 120 mijë euro. Duket si një shitje reale, por faktet tregojnë se bashkëshorti i Spiropalit po kalon kompaninë nga njëra dorë e besuar në tjetrën.
Kompania e projektimit dhe e ndërtimit "Fortes Construction", e cila bleu kompaninë Solomon, është një tjetër linjë biznesi e bashkëshorit të Elisa Spiropalit, Salarjon Totaj. Kompania e themeluar në vitin 2015, me zyra te Shopping Center në Tiranë, është në emrin e dy kunatave të Elisa Spiropalit, Blerina dhe Luranda Totaj.
Kompania, e cila operon më shumë si nënkontraktore e firmave që përfitojnë para dhe koncensione publike, qarkullon çdo vit qindra mijëra euro. Blerina Totaj rezulton nyja e interesave të kamufluara të çiftit Elisa Spiropali dhe Salarjon Totaj. Përmes saj, çifti kontrollon kompaninë e ndërtimit "Fortes Construction" si dhe kompaninë import-eksport të artikujve të ndryshëm industrialë "Solomon Construction".
Përmes kompanisë “Solomon Construction”, Totajt kanë siguruar edhe një kontratë qiraje 90-vjeçare me Ministrinë e Bujqësisë për kultivim ullinjsh në sipërfaqe 19 hektarë në pronësi të shtetit në Patos. Dokumentat e Ministrisë së Bujqësisë thonë se “Solomon Construction” e ka marrë këtë sipërfaqe toke me qira për 90 vjet, me vlerë 465 mijë lekë të reja në vit ose rreth 40 mijë lekë të reja në muaj. Qëllimi i kontratës së qirasë është “kultivimi, prodhimi dhe tregtimi i ullirit për vaj dhe tavolinë”.
Deri më tani, nuk ka një komunikatë zyrtare nga prokuroria për natyrën e thirrjes apo ndonjë procedim konkret ku mund të jetë përfshirë. /Prapaskena
Për politikanët që kemi SPAK do të shkrihej për 24 orë, por skanë çfarë ti bëjnë amerikanëve....
Keto janë genjeshtra. Per 45 km e ndoqi nhe makine. Pse nuk njoftuan policine në kohe. Ti dilte né rruge makines. Dhe tè verifikonin personat që ishin brena
Para laci????????????????
ka vetem nje gje te vertet ne kete mes, burri ikesaj i merrte parat te thata nga erseka me korrupsionin, kjo ishte arsyeja pse i gjati e fshiu, te tjerat jane pallavra
Perdite e me shume, te mjeret ne, kush na drejton ...
Keta "inteligjentet" e SPAK te "trajnuar" ne USA i therrasin e arrestojne kriminelet qe t'i informojne e jo t'i denojne. Pse e them kete? Sepse jo vetem Amerikanet por gjithe bota e qyteteruar, te vrojtojne mire e nuk te arrestojne pa ditur pse e te bejne tallava me moralin e drejtesise. Cfare e dine popullin keta maloke fshatare te qelbur injorante qe dikur talleshim, se mbanin ne gjoks nje cope kaucuku me S (sulmues) te marra ne aksionet e rinise ne hekurudha e ngjisnin hunden ne vitrinat e dyqaneve kur vizitonin Tiranen me grupe lidhur per dore mos humbinin? Ne te gjithe historine e botes ky lloj malli ka bere baterdine e ka hapur luftra gjakatare. Popull, pastroni shtetin, akademite, drejtesine, arkivat nga keta muter se do perfundojme ne kanalet e shkarkimit ne det.
Sakte Toni.
Mjere shqiperia qe ka rene ne duart e kurvave e krimineleve qe nga i pari i qeverrise e deri te fshesaxhiu i rruges..