FLASH
Shkruar nga Pamfleti
Kur erdhi në pushtet, u kërkonte ministrave të kursenin çdo qindarkë të taksapaguesve dhe të shmangnin privilegjet. Trembëdhjetë vjet më vonë, Kryeministri udhëton me avionë VIP, simboli më i dukshëm i distancës mes premtimeve të djeshme dhe realitetit të sotëm…
Kur Edi Rama mori pushtetin në vitin 2013, e ndërtoi një pjesë të rëndësishme të profilit të tij publik mbi idenë e kursimit, thjeshtësisë dhe luftës kundër privilegjeve të kastës politike.
Në mbledhjet e para të qeverisë, mesazhi që përcillej ishte i qartë: ministrat nuk duhej të silleshin si feudalë të pushtetit. Udhëtimet me business class konsideroheshin luks i panevojshëm dhe simbol i shkëputjes së politikës nga qytetarët.
Ishte koha kur propaganda e rilindjes politike premtonte fundin e privilegjeve dhe fillimin e një kulture të re qeverisjeje. Shqipëria dëgjonte se zyrtarët duhej të udhëtonin si qytetarët e zakonshëm, të kursenin fondet publike dhe të jepnin shembull me sjelljen e tyre.
Trembëdhjetë vjet më vonë, fotografia është krejt tjetër.
Mbrëmë, Kryeministri udhëtoi drejt Parisit me një Embraer Legacy 650 të operatorit Union Aviation.
Kemi të bëjmë me një avion biznesi të kategorisë VIP, i projektuar miliarderë, korporata dhe klientë me fuqi të lartë financiare. Vetëm një fluturim i tillë në tregun charter europian kushton rreth 30 000 Eu (vetëm vajtje).
Natyrisht, askush nuk pret që një kryeministër të udhëtojë me autobus. Askush nuk kërkon që kreu i qeverisë të sakrifikojë sigurinë apo efikasitetin e agjendës së tij. Pyetja nuk është pse udhëton. Pyetja është pse standardi moral që predikohej dikur nuk vlen më.
Në politikë, problemi nuk lind nga komoditeti. Problemi lind nga hipokrizia. Qytetarët nuk bezdisen sepse një kryeministër fluturon me avion privat. Ata bezdisen kur kujtojnë se i njëjti politikan që sot përdor avionë VIP, dikur e paraqiste business class-in si shfaqje arrogance dhe shkëputjeje nga realiteti.
Kjo është historia klasike e pushtetit që transformon jo vetëm mënyrën e jetesës, por edhe kujtesën. Fjalët e djeshme bëhen të sikletshme për luksin e sotëm. Premtimet e kursimit treten përballë rehatisë që ofron pushteti i gjatë. Parimet nuk hidhen poshtë me një deklaratë. Ato thjesht harrohen.
Shqipëria e vitit 2026 nuk është më Shqipëria e vitit 2013. Borxhi publik është rritur, kostot e jetesës janë rritur, emigracioni vazhdon të zbrazë vendin dhe qytetarët dëgjojnë çdo ditë thirrje për sakrifica, durim dhe mirëkuptim. Në këtë sfond, çdo pamje e luksit politik merr një peshë më të madhe se vetë çmimi i biletës apo i charter-it.
Në fund, çështja nuk është Embraer Legacy 650. Çështja është distanca. Jo ajo mes Tiranës dhe Parisit. Distanca mes politikanit që premtonte thjeshtësi dhe pushtetarit që sot jeton në një univers krejt tjetër nga ai i njerëzve të zakonshëm. Dhe kjo është një distancë që nuk matet me kilometra, por me besimin e humbur të qytetarëve./Pamfleti
Ore ky qe del plazheve pa breke mos eshte gje kryetari i Shoqates se Beqirave?
Eshte i lodhur me 1000 halle. Ai e di si ja ben. Tani i kerkojne dhe doreheqjen. Jane ne vete keta apo ca?
Tregim zbavites per femijet, dhe per te gjithe ata qe nuk e dine se cfare eshte shteti dhe shtetaret.
Le ti kete edhe disa kujtime te bukura, se shume shpejt ke 7 penxheret dhe me kompletin e "Juves" do ta veshin. Sigurisht qe edhe breket do ja numerojne e llogarisin
Kur erdhi ne pushtet ne 2013, hiqej si i thjeshte dhe jo i korruptuar vetem per 1 arsye. Te fitonte besimin e shqiptareve dhe ne kete menyre, te fitonte zgjedhjet pa LSI neper kembe. Kerkonte vote qe te çonte tepsine per skrap, por ne fakt kerkonte ta merrte tepsine vetem per vete. Dhe ia arriti qellimit. I fitoi zgjedhjet e 2017 dhe e hoqi qafe LSI. Dhe aty, nxorri surratin e tij te vertete si super i korruptuar. Instaloi nje sistem mega vjedhjesh dhe ia kaloi edhe LSI per korrupsion.
Ai eshte pronar i gjithe Shqiperise, i takon dhe nje carter. Madje e paska te vogel. Dhe ne vazhdojme me protesta paqesore. Rama jepe doreheqjennn, qesharake. Mire na e ben. Ka rastis nje kryehajdut, kryeminister i popullit me te vjedhur ne europe. Dhe ne presim te jape doreheqjen, me protesta paqesore. Paqesor me ke, me ate qe te tall, qe re vjedh, qe te dhunon, qe te merr pronen, qe te ben karshillek, qe te deformon voten?!?!?!! Se kuptoj dot