FLASH
Shkruar nga Pamfleti
Presidenti ukrainas, Volodymyr Zelensky ka mbërritur në Itali, ku është pritur në takim nga kryeministrja Giorgia Meloni.
Të dy liderët u përshëndetën me njëri-tjetrin në Pallatin Chigi në Romë ku dhe do të vijojnë takimin e tyre. Presidenti i Ukrainës u takua më parë me Papa Leon, të cilin e ftoi të vizitonte Ukrainën, duke e quajtur një udhëtim të tillë një sinjal të fortë mbështetjeje për popullin ukrainas.
Kujtojmë se ky takim vjen vetëm pak kohë pasi qeveria italiane vendosi që të shtyjë miratimin e një dekreti që do t'i lejonte Romës të zgjasë furnizimet ushtarake për Ukrainën deri në vitin e ardhshëm.
Pengesa vjen mes tensioneve brenda qeverisë së koalicionit të krahut të djathtë të kryeministres Giorgia Meloni mbi mbështetjen për Ukrainën kundër pushtimit në shkallë të plotë të Rusisë, i cili tani po i afrohet përvjetorit të katërt.
Meloni është zotuar të ndihmojë Ukrainën t’i rezistojë agresionit rus deri në fund, por zëvendësi i saj Matteo Salvini, udhëheqës i partisë së Lidhjes, ka vënë në dyshim logjikën e mbështetjes së vazhdueshme.
Lini një Përgjigje