FLASH
Shkruar nga Pamfleti
Presidenti i Ukrainës, Volodymyr Zelensky, njoftoi se ka zhvilluar një bisedë telefonike me të dërguarin special të Presidentit amerikan Donald Trump, Steve Witkoff, si dhe me Jared Kushner.
Përmes një postimi në rrjetin social X, Zelensky i falënderoi bashkëbiseduesit për qasjen konstruktive, punën intensive dhe urimet e Krishtlindjeve drejtuar popullit ukrainas.
Ai theksoi gjithashtu se pala ukrainase po punon pa ndërprerje për t’i dhënë fund luftës “brutale” të Rusisë kundër Ukrainës dhe për të siguruar që të gjitha dokumentet dhe hapat e ndërmarrë të jenë realistë, efektivë dhe të besueshëm.
Today we had a very good conversation with President Trump’s Special Envoy Steve Witkoff @SEPeaceMissions and @jaredkushner. I thank them for the constructive approach, the intensive work, and the kind words and Christmas greetings to the Ukrainian people. We are truly working… pic.twitter.com/gsgIn4AHW5
— Volodymyr Zelenskyy / Володимир Зеленський (@ZelenskyyUa) December 25, 2025
“Sot patëm një bisedë shumë të mirë me të dërguarin special të Presidentit Trump, Steve Witkoff. @SEPeaceMissions dhe @jaredkushner. I falënderoj për qasjen konstruktive, punën intensive, fjalët e mira dhe urimet e Krishtlindjeve drejtuar popullit ukrainas. Ne po punojmë vërtet 24/7 për ta afruar fundin e kësaj lufte brutale ruse kundër Ukrainës dhe për të siguruar që të gjitha dokumentet dhe hapat të jenë realistë, efektivë dhe të besueshëm. Diskutuam disa detaje thelbësore të punës në vazhdim. Ka ide të mira që mund të funksionojnë drejt një rezultati të përbashkët dhe paqes së qëndrueshme. Siguria e vërtetë, rimëkëmbja e vërtetë dhe paqja e vërtetë janë ato që na duhen të gjithëve - Ukraina, Shtetet e Bashkuara, Evropa dhe çdo partner që na ndihmon. Shpresoj që mirëkuptimet e sotme të Krishtlindjeve dhe idetë që diskutuam do të jenë të dobishme. Gjatë bisedës, më shoqëruan Rustem Umerov, Andrii Hnatov, Andrii Sybiha, Sergiy Kyslytsya, Ihor Brusylo dhe Oleksandr Bevz. I gjithë ekipi ynë diplomatik po bën çmos. Ne ramë dakord që Rustem do të flasë përsëri sot me Steve dhe Jared. Ne besojmë se kjo është qasja e duhur - të mos humbasim asnjë ditë të vetme ose një mundësi të vetme që mund ta afrojë rezultatin. Le të bëhet biseda e sotme një hap tjetër drejt paqes. Gjithashtu, u kërkova djemve t'i përcjellin urimet tona të Krishtlindjeve Donald Trump dhe të gjithë familjes Trump. Faleminderit!", shkroi Zelensky në "X".
Lini një Përgjigje