FLASH
Shkruar nga Pamfleti
Ndërsa 20 pengjet e gjalla u liruan sot nga Gaza, një numër udhëheqësish globalë e kanë mirëpritur lajmin. Shumë prej tyre përshkruan ndjenja lehtësimi dhe gëzimi, megjithëse shumica theksuan gjithashtu rëndësinë e vazhdimit të punës për paqen në rajon.
Kryeministri kanadez Mark Carney tha se lirimi i pengjeve është një "moment lehtësimi i thellë", duke shprehur mirënjohjen e vendit të tij për ata që ndihmuan në sigurimin e tij, përfshirë Presidentin e SHBA-së Donald Trump.
“Ngjarjet e sotme duhet të jenë një pikë kthese drejt paqes së qëndrueshme", tha Carney.
Presidenti ukrainas Volodymyr Zelensky shkroi në “X”: “Përpjekjet drejt paqes në rajon sjellin shpresë për paqe në rajone të tjera ku jeta është ende nën kërcënim. Në Ukrainë, ne mirëpresim të gjitha përpjekjet që kanë çuar në rezultatin e sotëm për Lindjen e Mesme. Ne po punojmë që dita e paqes të vijë edhe për Ukrainën”.
Kryeministri britanik Keir Starmer shkroi në X se ndjeu “lehtësim të thellë” për lirimin e pengjeve, duke shtuar se ky ishte një “kujtesë e fortë” e trajtimit të tyre nga Hamasi dhe “mizorive” të sulmeve të grupit militant më 7 tetor.
“Tani është thelbësore që të punojmë së bashku për të zbatuar planin e paqes të Presidentit Trump për Gazën”, tha ai.
Presidenti i Francës, Emmanuel Macron, tha në X se ndante “gëzimin” me familjet e pengjeve dhe popullin izraelit, duke shtuar se Franca do të jetë e përfshirë në çdo fazë të planit të Presidentit Trump, së bashku me partnerët arabë që ndihmoi në mobilizimin e tyre.
Udhëheqësit e vendeve, përfshirë Austrinë, Kolumbinë, Qipron, Republikën Çeke, Danimarkën, Finlandën, Irlandën, Letoninë, Moldavinë, Holandën dhe Suedinë, gjithashtu përshëndetën ngjarjet e sotme.
Lini një Përgjigje