FLASH
Shkruar nga Pamfleti
Të paktën tre persona humbën jetën dhe 25 të tjerë mbetën të plagosur në qytetin Hatay (Antiochia) në Turqi, pas një përleshjeje të dhunshme mes dy familjeve, raportojnë mediat turke.
Sipas raportimeve, konflikti nisi me një debat verbal gjatë festës së Eid al-Fitr dhe më pas u përshkallëzua në përplasje fizike, ku u përdorën gurë, thika dhe armë zjarri.
Pamje të publikuara nga telefonat celularë tregojnë dhjetëra persona të përfshirë në përleshje, duke sulmuar njëri-tjetrin në rrugë.
Forcat e sigurisë ndërhynë për të vënë situatën nën kontroll, por nuk arritën të parandalonin viktimat dhe të plagosurit. Tre personat e plagosur rëndë ndërruan jetë më vonë, pavarësisht përpjekjeve të mjekëve.
Autoritetet kanë nisur hetimet për incidentin dhe pritet që disa nga të përfshirët, përfshirë edhe persona të plagosur, të përballen me akuza për vrasje pas përfundimit të trajtimit mjekësor.
تحوّل شجار بسيط بين أطفال في ولاية هاتاي جنوبي تركيا إلى مواجهة عنيفة بين عائلتين، انتهت بحصيلة ثقيلة من الضحايا، في حادثة هزّت المنطقة وأثارت حالة من الذعر بين السكان. pic.twitter.com/v2T7guSrp5
— تركيا بالعربي (@arab_turkey_com) March 21, 2026
Lini një Përgjigje