FLASH
Shkruar nga Pamfleti
Shtetet e Bashkuara të Amerikës pritet të vendosin një super-tarifë ndaj makaronave italiane duke filluar nga janari 2026, që mund të arrijë në një tarifë totale prej afro 107%, duke përfshirë 15% të tashmen dhe 91.74% të re. Ky zhvillim konsiderohet si një goditje e rëndë ndaj eksportit italian dhe pasoja direkte e një hetimi të Departamentit Amerikan të Tregtisë, i cili ka ngjallur polemika të forta në Itali dhe më gjerë.
Në thelb të vendimit qëndron akuza për “dumping”, pra shitja e produkteve në tregun amerikan me çmime nën kosto, një akuzë që sipas prodhuesve italianë është ngritur mbi baza të paqarta dhe selektive. Departamenti i Tregtisë ka analizuar vetëm dy kompani italiane, La Molisana dhe Garofalo, dhe ka arritur në përfundimin se të dyja kanë aplikuar çmime dumping në masën 91.74%. Por ajo që ka shkaktuar më shumë zemërim është se kjo shifër po aplikohet pa dallim edhe për gjithë eksportuesit e tjerë italianë, pa u shqyrtuar fare aktiviteti i tyre.
Sipas dokumentit zyrtar të publikuar nga autoritetet amerikane, për periudhën 1 korrik 2023 deri më 30 qershor 2024, të gjithë eksportuesit e përfshirë në hetim, përfshirë marka të mëdha si Barilla, Rummo, Pastificio Liguori, Antiche Tradizioni di Gragnano, Sgambaro e të tjerë, do të preken nga kjo masë ndëshkuese. Në total janë më shumë se 10 kompani që do të penalizohen rëndë.
Ndërkohë, prodhues si Barilla që tashmë kanë zhvendosur pjesërisht prodhimin në SHBA nuk do të ndiejnë ndikim të madh nga tarifa. Por për ata që prodhojnë ekskluzivisht në Itali për eksport në SHBA, pasojat ekonomike mund të jenë katastrofike.
Luigi Scordamaglia, drejtues i Filiera Italia, ka akuzuar administratën amerikane për përdorimin tërësisht të padrejtë të mekanizmave tregtarë për të mbrojtur prodhimin lokal, duke thënë: “Kjo është një formë sanksioni kolektiv absurd që ndëshkon pa dallim gjithë eksportuesit italianë. Kjo tarifë bllokon eksportet tona të makaronave në SHBA dhe favorizon vetëm ata që kanë zhvendosur prodhimin në tokën amerikane, shpesh pa e specifikuar qartë në etiketë se nuk janë më prodhime italiane.”
Ai paralajmëron se tarifa do të ketë efekt të menjëhershëm duke filluar nga 1 janari 2026 dhe do ta bëjë praktikisht të pamundur konkurrencën e prodhuesve italianë në tregun amerikan, duke rrezikuar një sektor që gjeneron miliarda euro në eksporte çdo vit.
Ky zhvillim shihet gjithashtu si pjesë e një klime në përshkallëzim të luftës tregtare, ku tarifat përdoren si armë politike dhe ekonomike, veçanërisht në kontekstin e fushatës presidenciale amerikane dhe rikthimit të retorikës proteksioniste.
E kush eshte ai shtet qe nuk mund te prodhoje makarona me te mire se Italianet? Italianet te mos harrojne se brumerat jane krijuar nka kombe te tjera e jo prej tyre. Kur Romaket pushtuan Ilirine nuk nuk e pinin dot venamjaltin e Ilireve qe ishte produkt i rrushint shtuar me mjalte. Ata e pinin te holluar me uje se nuk kishin stomak ta pinin. Te mos harrojme se Romaket flisnin gjuhen Etruske, gjuhe Ilire e me pas manipuluan historine qe flisnuin latinisht. Nga 500 librat e lashte te Romes 450 jane ne gjuhe Etruske e vetem 30 ne gjuhe Latine.