FLASH
Shkruar nga Pamfleti
Presidenti Joe Biden do të takohet sot në Shtëpinë e Bardhë me presidentin e sapo zgjedhur Donald Trump.
Pak minutat më parë avioni i Donald Trump është ulur pranë kryeqytetit amerikan përpara takimit të tij me Biden. Mësohet se edhe Elon Musk ka udhëtuar me presidentin e zgjedhur në Uashington DC.
Nuk është e qartë nëse Musk do të marrë pjesë në takimet e hershme të Trump me republikanët e lartë - por ai sigurisht që nuk pritet të marrë pjesë në takimin me Joe Biden. Ndërkohë që nga ana tjetër Melania Trump nuk do të takohet sot me zonjën e parë në Uashington DC, pasi ajo nuk udhëtoi me burrin e saj në Shtëpinë e Bardhë.
Me një Trump të paparashikueshëm, nuk mund të mungonin gjestet që do të tërhiqnin vëmendjen e mediave. Ai para takimit me Biden ka organizuar një takim me republikanët e lartë, gjë që sipas mediave amerikane do të bëjë Bidenin të pres për rreth 40 minuta, pasi Trump do të jetë me vonesë.
"Nuk e di pse është kështu, por mund të jetë një formë e pastër Trumpiane të vendosësh presidentin aktual në pritje në shtëpinë e tij për një takim. Donald Trump do të jetë në Shtëpinë e Bardhë pas 20 minutash, por ai nuk ka mbërritur ende në hotelin Hyatt këtu në Capitol Hill, ku do të ketë një takim që mendoj se e prisnim të zgjaste të paktën 40 minuta me republikanët e lartë. Ai takim do të zhvillohet, dhe më pas ai do të niset nga këtu poshtë Pensilvania Avenue, një udhëtim që do të zgjasë rreth pesë minuta për në Shtëpinë e Bardhë për një takim me Presidentin Biden që ne presim të zgjasë një orë në një orë dhe një gjysma - nga e cila do të shohim vetëm një segment të vogël”, tha korrespondenti amerikan i “SkyNews”, Mark Stone.
Lini një Përgjigje