FLASH
Shkruar nga Pamfleti
Presidenti i sapozgjedhur i SHBA-së, Donald Trump, ka shprehur qëndrimet e tij për situatën në Siri, rolin e Turqisë dhe personalisht të Recep Tayyip Erdogan.
Sipas presidenti të SHBA-së, Turqia ka 2000 vjet që pretendon Sirinë me emra të ndryshëm dhe në mënyra të ndryshme dhe se ishte Erdogan që orkestroi përmbysjen e Asadit në Siri.
“Turqia ka 2000 vjet që pretendon Sirinë me emra të ndryshëm dhe në mënyra të ndryshme. Këta persona që kanë ardhur janë nga Turqia. Presidenti Erdogan është miku im. Dikush që e dua dhe e respektoj. Mendoj se edhe ai më respekton”, tha Trump në një konferencë për shtyp në Mar-a-Lago, Florida.
Gjithashtu, kur i kërkova të mos merrte masa ndaj personave të caktuar, ai nuk bëri. E dini për kë e kam fjalën, kurdët. Nuk e di sa do të zgjasë kjo sepse janë armiq natyralë. Ata e urrejnë njëri-tjetrin… Por nëse shikoni se çfarë ndodhi me Sirinë, Rusia u dobësua, Irani u dobësua. Dhe ai është një djalë shumë i zgjuar dhe i dërgoi njerëzit e tij atje me maska të ndryshme dhe emra të ndryshëm, dhe ata hynë dhe morën përsipër ", tha Trump.
Në dhjetor 2024, presidenti i zgjedhur i SHBA-së, Donald Trump, gjatë një konference shtypi deklaroi se Turqia kontrollon militantët që rrëzuan ish diktatorin sirian Bashar Assad.
"Ata njerëz që hynë janë të kontrolluar nga Turqia," tha ai gjatë konferencës për shtyp.
Në përgjigje të një pyetjeje rreth 900 trupave amerikane aktualisht në Siri, Trump filloi të flasë për vendimin e tij për të tërhequr ushtarët amerikanë nga vendi gjatë periudhës së tij të fundit si president, përpara se të anashkalohej dhe të fliste për Turqinë dhe presidentin e saj, Recep Tayyip Erdoğan.
Lini një Përgjigje