FLASH
Shkruar nga Pamfleti
Presidenti francez Emmanuel Macron tha se foli me homologun e tij amerikan Donald Trump, ndërsa ishte në Tiranë për samitin e Komunitetit Politik Evropian, duke thënë se Rusia nuk po tregonte se ishte gati për paqe në Ukrainë.
“Pata një telefonatë me presidentin amerikan ndërsa isha në Shqipëri. Edhe një herë, Presidenti Putin refuzon t’i përgjigjet propozimit të armëpushimit pa kushte të paraqitur nga amerikanët dhe të mbështetur nga Ukraina dhe evropianët”, theksoi Macron në një postim në X.
“Duke refuzuar armëpushimin dhe dialogun me Ukrainën, Rusia po tregon se nuk dëshiron paqe dhe thjesht po përpiqet të fitojë kohë duke vazhduar luftën”, shtoi presidenti francez.
Gjatë takimit të tyre me Presidentin ukrainas Volodymyr Zelensky në Tiranë, në margjinat e samitit, presidenti francez dhe kryeministri britanik Keir Starmer e përshkruan qëndrimin e Rusisë në negociatat e paqes në Stamboll si "të papranueshëm".
Lini një Përgjigje