FLASH
Shkruar nga Pamfleti
Zyrtarët ukrainas dhe rusë që morën pjesë në bisedimet e drejtpërdrejta sot në Stamboll ranë dakord në parim të takohen sërish për negociata me qëllim arritjen e një armëpushimi, njoftoi ministri i Jashtëm i Turqisë, Hakan Fidan.
Fidan, i cili kryesoi bisedimet midis negociatorëve rusë dhe ukrainas, deklaroi në një postim në platformën X se të dyja palët ranë dakord të shkëmbejnë nga 1.000 të burgosur lufte secila, si pjesë e masave për ndërtimin e besimit.
Sipas ministrit turk, të dyja palët do t’ia paraqesin njëra-tjetrës me shkrim kushtet për një armëpushim. Hakan Fidan e quajti takimin një “ditë të rëndësishme për paqen globale”.
“Si rezultat i përpjekjeve intensive diplomatike, delegacionet e Rusisë dhe Ukrainës u takuan në Stamboll, me ndërmjetësimin e Turqisë”, shkroi ai në rrjetet sociale.
Lini një Përgjigje