FLASH
Shkruar nga Pamfleti
Shtetet e Bashkuara të Amerikës janë pranë arritjes së disa marrëveshjeve të rëndësishme tregtare përpara afatit të 9 korrikut, datë kur pritet të hyjnë në fuqi tarifa më të larta për importet.
Sekretari amerikan i Thesarit, Skott Besent, tha gjatë një interviste për “CNN” se në ditët në vijim priten njoftime të mëdha lidhur me këto marrëveshje.
Ndërkohë, ai theksoi se administrata e presidentit Trump do të dërgojë letra paralajmëruese për 100 vende me të cilat SHBA nuk kanë shkëmbime të konsiderueshme tregtare, duke i vënë në dijeni për tarifat e larta që do të rikthehen nga data 9 korrik.
“Presidenti Trump do t’u dërgojë letra disa prej partnerëve tanë tregtarë, duke i paralajmëruar se nëse nuk ecet përpara me marrëveshjet, atëherë më 1 gusht tarifat do të rikthehen në nivelin e vendosur më 2 prill. Kjo është arsyeja pse shpresoj se do të arrijmë shumë marrëveshje shumë shpejt”, u shpreh Besent.
Lini një Përgjigje