FLASH
Shkruar nga Pamfleti
Stuhia “Isha” ka goditur Mbretërinë e Bashkuar dhe Irlandën ku si pasojë e erërave të forta dhe shiut janë krijuar probleme të shumta por edhe një humbje jete.
Një 84-vjeçar ka humbur jetën pasi makina me të cilën ai po udhëtonte si pasagjer, u përplas me një pemë të rrëzuar në rrugë nga stuhia.
Si pasojë e stuhisë është shënuar edhe ndërprerje e energjisë për mijëra qytetarë ndërsa shumë udhëtime ajrore po anulohen.
Stuhia “Isha” është e nënta që godet Mbretërinë e Bashkuar që nga fillimi i sezonit të dimrit.
Ndërkaq sinoptikanët parashikojnë një tjetër stuhi e cila pritet të godasë Irlandën gjatë të martës dhe që pritet të ketë një efekt edhe më të madh se stuhia “Isha”.
Kjo stuhi pritet të godasë pasditen e të martës deri në mesditën e të mërkurës.
Lini një Përgjigje