FLASH
Shkruar nga Pamfleti
Greqia ende po përballet me situatën e vështirë që është krijuar nga stuhia “Daniel”. Qindra shtëpi të përmbytura, mijëra hektarë tokë bujqësore nën pushtetin e ujit, dhjetëra të zhdukur dhe 6 viktima janë regjistruar deri më tani.
Bilanci i viktimave pritet që të rritet, pasi në disa fshatra raportohet për dhjetëra njerëz të humbur në shtëpitë e mbuluar totalish nga uji i rrëmbyeshëm.
— Kathimerini_Web (@KathimeriniWeb) September 7, 2023
Në rajonin e Kardicës, në komunën e Palamasit, fshatrat janë zhdukur nga uji dhe dëshmi të shumta të banorëve flasin për persona të zhdukur, ndërkohë shumë banorë mbeten të bllokuar në vendbanimet e përmbytura.
— Kathimerini_Web (@KathimeriniWeb) September 7, 2023
Reshjet e dendura kanë shkaktuar probleme dhe në funksionimin e spitalit në Volos, për shkak të ndërprejse së energjisë elektrike dhe mungesës së ujit të pijshëm.
Një ndërprerje e furnizimit me ujë gjithashtu ka ndodhur dhe në qytetin e Trikalës, për shkak të ndërprerjes së energjisë elektrike në objektin e ujësjellësit DEVAT.
Ndërkohë Bashkia e Trikalës ka paralajmëruar shpërndarjen falas të shisheve të ujit të piushëm dhe pakove të ndihmave.
Përveç banorëve të zonës, raportohet edhe për shumë turistë të bllokuiar në zonat e prekura nga stuhia. Sipas autoriteteve greke raportohet për 500 familje turistësh, të bllokuara.
Ndërkohë në Thesalisë, Drejtoria e Përgjithshme dhe Policia e Qarkut kanë njoftuar se për shkak të kushteve të pafavorshme atmosferike është pezulluar qarkullimi i automjeteve në disa akse rrugore.
Sipas klasifikimit të episodit të reshjeve (RPI), i cili aplikohet nga Meteo dhe Observatori Kombëtar i Athinës, episodi i reshjeve për sot ndodhet në Kategorinë 4 (shumë i rëndë). Megjithatë në mbrëmje priten reshje shiu dhe stuhi lokale në pjesën më të madhe të kontinentit, në Jon dhe në Egjeun verior, por ato gradualisht do të dobësohen.
Lini një Përgjigje