FLASH
Shkruar nga Pamfleti
Shërbimi rus i Sigurisë ka bastisur një pronë të grupit “Wagner” në Shën Petersburg, i cili që nga dita e djeshme është kthyer kundër presidentit Vladimir Putin.
Sipas disa njoftimeve ende të pakonfirmuara të mediave ruse thuhet se gjatë bastisjes, Shërbimi rus i sigurisë ka gjetur pranë zyrës së Yevgeny Prigozhin, kreut të grupit “Wagner”, 47 milion dollarë ‘cash’ të sistemuara në kuti kartoni.
Sipas dyshimeve paratë ishin për të mbuluar pagat dhe shpenzimet për luftëtarët e tij Wagner. Sekuestrimi i parave mund të ndryshojë disi pozitat e Prigozhinit, ushtria e të cilit funksionon vetëm në bazë të pagave të larta.
Ndërkohë nga situata e krijuar ushtarët rusë kanë ngritur një pozicion mbrojtës në skajin jugperëndimor të Moskës, sipas raportimeve. Fotografitë e publikuara nga gazeta Vedomosti treguan gjithashtu policinë e armatosur duke u mbledhur në pikën ku autostrada M4 arrin në kryeqytetin rus.
Lini një Përgjigje