FLASH
Shkruar nga Pamfleti
Sekretari amerikan i Mbrojtjes, Pete Hegseth, deklaron se operacionet ushtarake do të intensifikohen dhe se Uashingtoni ka kapacitetet dhe armët për ta vazhduar konfliktin “për aq kohë sa do të jetë e nevojshme”.
Sekretari amerikan i Mbrojtjes, Pete Hegseth, deklaroi se Shtetet e Bashkuara sapo kanë nisur fazën e parë të operacioneve ushtarake kundër Iranit dhe paralajmëroi se fuqia luftarake e përdorur deri tani përfaqëson vetëm një pjesë të kapaciteteve reale të SHBA.
Gjatë një deklarate publike, Hegseth tha se lufta në Iran “sapo ka filluar” dhe theksoi se forcat amerikane dhe ato izraelite do të shtojnë ndjeshëm intensitetin e operacioneve ushtarake në vijim.
Ai deklaroi se Uashingtoni dhe Tel Avivi do të vendosin në terren shumëfishin e kapaciteteve ushtarake që janë përdorur deri tani. Sipas tij, Shtetet e Bashkuara kanë në dispozicion armët, autorizimet politike dhe vullnetin për të vazhduar operacionin për një periudhë të gjatë.
“Ne kemi vetëm filluar të luftojmë. Do të përdorim shumëfishin e kapaciteteve aktuale. Shtetet e Bashkuara kanë municionet, autoritetet dhe vullnetin për ta vazhduar këtë fushatë për aq kohë sa do të jetë e nevojshme”, deklaroi Hegseth.
Deklarata e shefit të Pentagonit vjen në një moment kur konflikti mes SHBA, Izraelit dhe Iranit po hyn në një fazë të re përshkallëzimi ushtarak. Operacionet ajrore dhe raketore të kryera gjatë ditëve të fundit kanë goditur objektiva të shumtë ushtarakë dhe infrastruktura strategjike brenda territorit iranian.
Sinjali i dhënë nga Pentagoni sugjeron se administrata amerikane po përgatitet për një fushatë më të gjatë ushtarake në rajon, me një intensitet më të lartë operativ dhe me përfshirje më të madhe të kapaciteteve luftarake amerikane dhe izraelite.
U bon si basha dhe keta lufta sapo ka filluar hahahaha pse ca keni bo der tani
Tani do të na duhen tunele për 3 milionë! Belinda duhet të kthehet shpejt në punë!