FLASH
Shkruar nga Pamfleti
Shtetet e Bashkuara, sipas raportimeve që qarkulluan gjatë ditës, kanë pasur në shënjestër edhe presidentin iranian Masoud Pezeshkian gjatë sulmeve të fundit kundër Iranit. Në këtë kontekst, djali i tij deklaroi se përpjekjet për atentat kanë dështuar dhe se presidenti është në gjendje të mirë shëndetësore.
“Së pari, dua të them se ai është në gjendje të mirë shëndetësore. Për aq sa di unë, kësaj here përpjekjet për atentat nuk patën sukses dhe edhe zyrtarët e tjerë janë të sigurt”, citohet të ketë thënë Yousef Pezeshkian nga agjencia shtetërore iraniane e lajmeve IRNA.
Deklaratat e tij u bënë në një kohë kur u përhapën lajme për vdekjen e disa zyrtarëve iranianë gjatë sulmeve të ndërmarra mëngjesin e sotëm nga Izraeli dhe Shtetet e Bashkuara kundër Iranit. Mediat iraniane raportuan se disa zyrtarë qeveritarë dhe ushtarakë, përfshirë ministrin e Jashtëm Abbas Araqchi dhe shefin e ushtrisë Amir Hatami, ndodhen në gjendje të mirë shëndetësore.
Ndërkohë, agjencia Reuters, duke cituar burime të njohura me operacionet ushtarake izraelite dhe një burim rajonal, raportoi se në sulmet izraelite të sotme në Iran dyshohet se janë vrarë ministri iranian i Mbrojtjes, Amir Nasirzadeh, si dhe komandanti i Gardës Revolucionare, gjenerali Mohammed Pakpour.
Lini një Përgjigje