FLASH
Shkruar nga Pamfleti
SHBA-ja pritet të shpallë sanksione brenda disa ditësh ndaj Forcave të Mbrojtjes së Izraelit (IDF) për shkelje të të drejtave të njeriut në Bregun Perëndimor të pushtuar.
Kryeministri Benjamin Netanyahu u përgjigj, duke paralajmëruar se është "e ndaluar" të sanksionohet IDF.
Në një deklaratë për X, Netanyahu tha se kam punuar kundër vendosjes së sanksioneve ndaj qytetarëve izraelitë".
"Në një kohë kur ushtarët tanë po luftojnë përbindëshat e terrorit, qëllimi për të vendosur një sanksion ndaj një njësie në IDF është kulmi i absurditetit dhe një nivel i ulët moral. Qeveria e kryesuar nga unë do të veprojë me të gjitha mjetet kundër këtyre lëvizjeve”, shkroi Netanyahu.
Rivali i tij politik dhe ministri i kabinetit të luftës Benny Gantz ka komentuar deklaratën e tij, duke paralajmëruar se sanksionet do të përbënin një "precedent të rrezikshëm".
"Unë kam vlerësim të madh për miqtë tanë amerikanë, por vendimi për të vendosur sanksione ndaj një njësie të IDF dhe ushtarëve të saj vendos një precedent të rrezikshëm dhe përcjell mesazhin e gabuar për armiqtë tanë të përbashkët gjatë kohës së luftës. Unë synoj të veproj për të ndryshuar këtë vendim", tha ai.
Lini një Përgjigje