FLASH
Shkruar nga Pamfleti
Rusia sulmoi sistemin energjetik të Ukrainës dhe qytetet në rajonin e saj lindor me raketa lundrimi dhe balistike mëngjesin e sotëm.
Zyrtarët lokalë raportuan një sulm masiv për Krishtlindje. Të paktën gjashtë persona mbetën të plagosur nga sulmi me raketa në Kharkiv në verilindje të Ukrainës.
Presidenti ukrainas Volodymyr Zelensky ka reaguar lidhur me shënjestrimin e infrastrukturës energjetike. Ai i konsideron këto sulme çnjerëzore, teksa raportohet për më shumë se 100 dronë të hedhur në territoret e Ukrainës.
"Çdo sulm masiv rus kërkon kohë për t'u përgatitur. Nuk është kurrë një vendim spontan. Është një zgjedhje e ndërgjegjshme jo vetëm e objektivave, por edhe e kohës dhe datës. Sot, Putin zgjodhi qëllimisht Krishtlindjet për një sulm. Çfarë mund të jetë më çnjerëzore? Më shumë se 70 raketa, përfshirë ato balistike dhe më shumë se njëqind dronë sulmues. Objektivat janë sektori ynë i energjisë. Ata vazhdojnë të luftojnë për ndërprerjen e energjisë elektrike në Ukrainë.
Sipas të dhënave paraprake, mbrojtësit tanë arritën të rrëzojnë më shumë se 50 raketa dhe një pjesë të konsiderueshme të dronëve. Fatkeqësisht, ka goditje. Deri më tani, ka ndërprerje në disa rajone. Punonjësit e Energjisë po punojnë për të rikthyer sa më shpejt furnizimin me energji elektrike. Faleminderit të gjithëve që aktualisht po punojnë për vendin, që janë në detyrë luftarake, që po mbron qiellin tonë. Le të rivendosim maksimumin. E keqja ruse nuk do ta thyejë Ukrainën dhe nuk do të shtrembërojë Krishtlindjet”, shkruan Zelensky.
Ukraina po përballet me dimrin e saj më të ashpër të luftës pothuajse trevjeçare, ndërsa Moska shton bombardimet ajrore dhe trupat e saj përparojnë në vijat e frontit në lindje.
Lini një Përgjigje