FLASH
Shkruar nga Pamfleti
Numri i viktimave nga protestat në Iran vijon të rritet, ndërsa grupet e të drejtave të njeriut ngrenë alarmin për shifra edhe më të larta se ato zyrtare.
Agjencia e Lajmeve të Aktivistëve të të Drejtave të Njeriut, me seli në Shtetet e Bashkuara, ka konfirmuar deri më tani 572 persona janë raportuar të vrarë. Megjithatë, dyshohet se numri real i viktimave mund të jetë dukshëm më i lartë.
Sipas të dhënave të publikuara, 503 nga viktimat ishin protestues, ndërsa 69 persona i përkisnin forcave të sigurisë.
Grupi thekson se shifrat e tij kanë rezultuar të sakta dhe të besueshme edhe gjatë trazirave të mëparshme në Iran, pasi informacioni verifikohet përmes rrjeteve të aktivistëve brenda vendit.
Ndërkohë, më shumë se 10,600 persona janë arrestuar, ndërsa protestat kanë hyrë tashmë në javën e tretë të tyre.
Edhe media ndërkombëtare kanë konfirmuar përhapjen e gjerë të protestave. Sipas verifikimeve të Sky News, protesta janë regjistruar në 21 provinca, ndërsa agjencia e aktivistëve raporton për afërsisht 600 protesta në secilën nga 31 provincat e Iranit.
Lini një Përgjigje