FLASH
Shkruar nga Pamfleti
Një avion i vogël është rrëzuar sot në Kroaci, duke shkaktuar vdekjen e të paktën katër personave.
Sipas autoriteteve, avioni u rrëzua pranë Medulinit, një qytet në gadishullin e Istrias. Agjencia shtetërore kroate e lajmeve HINA raportoi se bëhej fjalë për një avion gjerman që ishte nisur nga Austria.
Fotografitë e publikuara nga vendngjarja tregojnë mbetjet e avionit në një fushë, ndërsa forcat e policisë dhe zjarrfikësit ndodheshin në zonë për operacionet e emergjencës.
Piloti vendas Nijaz Deliç deklaroi për portalin kroat Index se avioni “humbi kontrollin duke u rrotulluar në ajër dhe më pas u përplas me tokën”.
Autoritetet nuk kanë konfirmuar ende numrin e saktë të personave që ndodheshin në bord. Detaje të tjera mbi rrethanat e aksidentit nuk janë bërë publike.
Lini një Përgjigje