FLASH
Shkruar nga Pamfleti
Shtëpia e filmit që ka prodhuar serialin, shpjegoi se iniciativa konsiderohet një mjet “fuqie të butë” për të promovuar Rusinë dhe kulturën e saj jashtë vendit.
Platforma ruse e transmetimit Okko ka publikuar sot një episod të veçantë të Vitit të Ri të serialit të famshëm vizatimor për fëmijë "Prostokvashino", ku paraqitet një portretizim i animuar i Presidentit Vladimir Putin.
Në episod, personazhet udhëtojnë drejt Sheshin e Kuq të Moskës për të festuar Vitin e Ri, shkruan "The Moscow Times".
Macja Matroskin dhe qeni Sharik debatojnë nëse presidenti e regjistron paraprakisht fjalimin e tij vjetor të festave apo e mban drejtpërdrejt.
Në Sheshin e Kuq, personazhet takohen me Putinin, dhe Shariku i kërkon atij të bashkohet me urimin e rusëve për Vitin e Ri.
Putini i animuar merr zërin nga aktori Dmitry Grachev, i njohur për parodinë e tij të udhëheqësit rus në shfaqjen Comedy Club.
Shfaqja e Putinit në filmin vizatimor u paralajmërua më parë këtë vit nga Yuliana Slashcheva, kryetare e studios së animacionit Soyuzmultfilm, e cila prodhon “Prostokvashino”.
Slashcheva tha se seriali mund të ndihmojë në forcimin e “pushtetit të butë” të Rusisë jashtë vendit.
I lançuar në vitin 2018, “Prostokvashino” është një vazhdim i filmit të animuar të njohur të epokës sovjetike, bazuar në tregimet për fëmijë të Eduard Uspensky-t të viteve 1970.
Seriali zhvillohet në fshatin imagjinar Prostokvashino, që përkthehet si “qumësht i thartë” nga rusishtja.
Lini një Përgjigje