FLASH
Shkruar nga Pamfleti
Detaje të reja kanë dalë në dritë lidhur me kryengritjen e grupit Wagner. Sipas informacioneve Yevgeny Prigozhin kishte në plan të arrestonte dy shefa ushtarakë rusë në rebelimin e organizuar nga grupi i tij mercenar gjatë fundjavës, por planet e tij u përgjuan dhe kapja e tyre u shmang.
Ministri rus i Mbrojtjes Sergei Shoigu dhe shefi i Shtabit Gjeneral Valery Gerasimov ishin objektivat e komplotit, raporton Wall Street Journal, duke cituar zyrtarë perëndimorë.
Prigozhin, dyshohet se kishte planifikuar të godiste ndërsa dyshja ishin në një vizitë në jug të Rusisë. Por shërbimi i brendshëm rus u tregua i zgjuar me skemën, duke bërë që Shoigu dhe Gerasimov të ndryshojnë planet e tyre, thonë zyrtarë të paidentifikuar për WSJ.
Me planin që i dështoi për shkak të dekonspirimit, Prigozhin thuhet se u detyrua të lëvizte për të vënë në jetë planin më shpejt se sa ishte menduar.
New York Times raportoi gjithashtu se gjenerali i lartë rus Sergei Surovikin i dinte paraprakisht planet e Prigozhinit dhe se sot ndodhet në burg e po merret në pyetje.
Lini një Përgjigje