FLASH
Shkruar nga Pamfleti
Bisedimet mes Iranit dhe Shteteve të Bashkuara kanë hyrë në një fazë të re, pasi palët kanë kaluar nga komunikimi indirekt në takime të drejtpërdrejta trepalëshe me ndërmjetësimin e Pakistanit.
Sipas burimeve qeveritare pakistaneze, të cituara nga BBC, aktualisht po zhvillohen bisedime ballë për ballë midis përfaqësuesve të Iranit, SHBA-së dhe Pakistanit. Më herët, dialogu ishte zhvilluar në mënyrë indirekte përmes ndërmjetësve pakistanezë. Kjo do të thotë se palët kanë rënë dakord dhe janë treguar të gatshëm për të diskutuar mbi pikat e propozuara nga palët.
Ky është një hap përpara në procesin diplomatik, duke pasur parasysh dallimet e thella dhe mungesën e besimit mes dy palëve në çështjet kyçe. Kalimi në takime të drejtpërdrejta shihet si një tregues i përmirësimit të klimës së negociatave.
Megjithatë mbetet për t’u parë nëse ky proces do të çojë në një armëpushim të zgjatur, një marrëveshje konkrete apo të paktën në vazhdimin e dialogut në të ardhmen. Në këtë kontekst, roli i Pakistanit si ndërmjetës vlerësohet si thelbësor në avancimin e bisedimeve.
Lini një Përgjigje