FLASH
Shkruar nga Pamfleti
Pas reagimit të Iranit, edhe kryeministrja italiane Giorgia Meloni ka dalë kundër deklaratave të Presidentit amerikan Donald Trump ndaj Papa Leo XIV, duke i cilësuar ato si të papranueshme.
Në një reagim publik, Meloni theksoi rolin e Papës si udhëheqës shpirtëror dhe mbrojti qëndrimet e tij për paqen.
“I gjej të papranueshme fjalët e Presidentit Trump drejtuar Atit të Shenjtë. Papa është kreu i Kishës Katolike dhe është e drejtë dhe e përshtatshme që ai bën thirrje për paqe dhe dënon të gjitha format e luftës,” u shpreh ajo.
Reagimi i lideres italiane vjen pasi Trump kritikoi ashpër Papa Leon, duke e cilësuar atë “të tmerrshëm” për qëndrimet e tij në politikën e jashtme, veçanërisht pas thirrjeve të Papës për paqe, armëpushim dhe ndalimin e konflikteve.
Deklaratat e presidentit amerikan erdhën pak kohë pasi Papa kishte dënuar kërcënimet ndaj Iranit, duke theksuar nevojën për dialog dhe shmangie të përshkallëzimit të situatës.
Lini një Përgjigje