FLASH
Shkruar nga Pamfleti
Kjo është goditje e madhe për qeverinë, pasi tregon se kontrolli i saj mbi pushtetin është i brishtë...
Forcat rebele nisën të mërkurën ofensivën më të madhe kundër qeverisë siriane në vite. Ata kanë marrë nën kontroll “pjesë të mëdha” të qytetit të dytë më të madh të vendit, Aleppos.
Ofensiva e befasishme solli sulmet e para ruse në Aleppo që nga viti 2016 dhe pa ushtrinë e Sirisë të tërhiqte trupat e saj nga qyteti.
Sulmi u drejtua nga grupi militant islamik Hayat Tahrir al-Sham (HTS) – i cili ka një histori të gjatë në konfliktin sirian.
Dukej se ishte një konflikt i ngrirë në kohë, por operacioni i nisur me shpejtësi të madhe nga luftëtarët e opozitës siriane përmbysi gjithçka. Kjo ofensivë është gjithashtu një kujtesë e fuqishme e kompleksitetit të konfliktit sirian.
Nëse forcat rebele do të vazhdojnë të futen në Siri dhe do të sjellin një ofensivë më të gjerë, atëherë do të shohim rëndësinë e saj politike dhe ushtarake.
Alepo dikur ishte qyteti më i madh i vendit, një fushë beteje kyçe në luftën civile dhe një bastion për regjimin. Kjo është goditje e madhe për qeverinë, pasi tregon se kontrolli i saj mbi pushtetin është i brishtë.
Ofensiva më e madhe kundër qeverisë siriane, tregon gjithashtu se rebelët kanë vendosmërinë dhe aftësinë ushtarake për të sfiduar autoritetin e regjimit në fushat kryesore strategjike.
Rebelët përbëjnë shumë grupe të ndryshme që kanë luftuar kundër regjimit që nga fillimi i kryengritjes siriane. Më i madhi është Hayat Tahrir al Sham, i cili kontrollon pjesën më të madhe të territorit veriperëndimor të mbajtur nga opozita.
Ky grup ishte i lidhur me grupin terrorist Al Kaeda, por ka hequr dorë nga këto lidhje.
Zyrtarisht, ofensiva filloi si një mënyrë për të ndaluar sulmet ajrore të regjimit në territorin e kontrolluar nga opozita. Edhe vetë rebelët janë të befasuar nga mungesa e rezistencës së qeverisë dhe sa i suksesshëm ka qenë për ata. Qeveria siriane e cilësoi si një "sulm terrorist në shkallë të gjerë" ndërsa është zotuar të kthejë humbjet.
Pse ndodhi pikërisht tani?
Presidenti Bashar al-Assad me shumë gjasa do ta kishte humbur luftën nëse nuk do të ishte shpëtuar nga forcat ajrore ruse dhe Garda Revolucionare iraniane, si dhe mbështetja e grupeve militante - duke përfshirë Hezbollahun.
Rusia po lufton për burime në Ukrainë dhe ka devijuar forcat e saj ajrore. Irani dhe përfaqësuesit e tij janë goditur nga Izraeli pasi u përpoqën të shfrytëzonin masakrën e sulmit të Hamasit të 7 tetorit ndaj Izraelit.
Pyetja tani është nëse luftëtarët e opozitës do të jenë në gjendje të qëndrojnë në këmbë dhe konsolidojnë pozicionin e tyre apo ndoshta të ndërmarrin sulme të mëtejshme.
Për momentin, situata mbetet e paqëndrueshme dhe e pasigurt.
Përparimi sigurisht që sfidon rendin e vendosur, por ende nuk është e qartë nëse kjo është një kthim prapa për regjimin, apo fillimi i një faze të madhe përshkallëzimi/ Përshtati “Pamfleti” nga “Sky News”
Lini një Përgjigje