FLASH
Shkruar nga Pamfleti
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, tha sot se ishte operacionalisht e pamundur të evakuoheshin dy spitale në një zonë të Bejrutit që përballet me një urdhër evakuimi nga Izraeli, dhe i kërkoi Tel Avivit që ta anulonte atë.
Tedros tha se urdhri i evakuimit për zonën Jnah të Bejrutit përfshin Spitalin Universitar Rafik Hariri dhe Spitalin al-Zahraa.
“Në këtë kohë, nuk ka asnjë strukturë mjekësore alternative në dispozicion për të pritur afërsisht 450 pacientë nga dy spitalet (përfshirë 40 pacientë në kujdesin intensiv), duke e bërë evakuimin e tyre të pamundur nga ana operative”, tha shefi i OBSH-së në një postim në mediat sociale.
Ai shtoi se të dy objektet operonin me kapacitet të plotë dhe po trajtonin njerëz të plagosur në sulmet izraelite të mërkurën. Tedros tha se zona e evakuimit përfshin gjithashtu një kompleks të Ministrisë së Shëndetësisë ku pesë strehimore po akomodojnë më shumë se 5,000 njerëz.
“I bëj thirrje Izraelit që ta përmbysë këtë urdhër dhe të sigurojë mbrojtjen e të gjitha institucioneve shëndetësore, punonjësve shëndetësorë, pacientëve dhe civilëve”, shtoi ai.
Më herët sot, Forcat e Mbrojtjes së Izraelit lëshuan një urdhër të gjerë evakuimi për disa lagje në Bejrutin jugor, duke përfshirë disa zona që nuk ishin shënjestruar më parë.
Lini një Përgjigje