FLASH
Shkruar nga Pamfleti
Një person ka humbur jetën dhe një tjetër është plagosur në një atentat mafioz që ndodhi mesditën e së martës në Selanik.
Gjithçka ka ndodhur rreth orës 13:00, kur një person i panjohur ka qëlluar me armë zjarri dy meshkujt me origjinë turke që ndodheshin në një makinë dhe po lëviznin pranë stacionit të autobusëve ndërqytetës.
Siç raporton thestival.gr, 39-vjeçari që humbi jetën ishte pasagjeri në makinën që u qëllua dhe sipas informacioneve ka marrë dy plumba në kokë dhe gjoks.
Të njëjtat informacione bëjnë të ditur se drejtuesi i mjetit, po ashtu turk 39-vjeçar, ka mbetur i plagosur.
Nga dëshmitë e mbledhura lidhur me atentatin dyshohet se autorët kanë përdorur një xhip të zi pa targa. Kjo makinë iu është afruar dhe i ka bllokuar rrugën automjetit ku ndodhej viktima dhe i plagosuri, duke e detyruar të ndalojë. Më pas një person ka zbritur nga xhipi i zi dhe ka nisur të qëllojë drejt tyre.
Në vendngjarje kanë mbërritur menjëherë forca të forta policore dhe autoambulanca të EKAB-it , ndërsa në hetim po marrin pjesë edhe efektivë të Drejtorisë së Krimit të Organizuar.
Në vendin e ngjarjes janë gjetur 7 gëzhoja. Pas të shtënave, autorët janë larguar nga vendi i krimit dhe janë larguar me automjetin e tyre, ndërsa autoritetet po hetojnë nëse xhipi i zi i përdorur ekskluzivisht për këtë ngjarje, të jetë braktisur apo djegur. Deri më tani nuk ka të dhëna për numrin e personave që ndodheshin në automjetin e autorëve.
Lini një Përgjigje