FLASH
Shkruar nga Pamfleti
Në muajin mars, Nikki Haley njoftoi se po tërhiqej nga gara presidenciale përballë ish-presidentit Donald Trump. Në një dalje të fundit publike, që pas pezullimit të fushatës së saj, Haley konfirmoi se do të votojë për Trump.
“Unë i qëndroj asaj që thashë në fjalimin tim të pezullimit”, tha ajo.
Ajo shtoi se do të ishte “zgjuarsi” nga ana e Donald Trump nëse do të kërkonte mbështetjen e miliona njerëzve, të cilët e përkrahën Haley në përballjen brenda kampit republikan.
“Trump do të ishte i zgjuar t’u afrohej miliona njerëzve që votuan për mua”, shtoi ajo.
Haley po fliste në Institutin Hudson në Uashington të mërkurën, paraqitja e saj e parë publike që nga largimi nga gara në mars. Ajo u pyet nëse Joe Biden ose Trump do të bënin një punë më të mirë për çështjet e sigurisë kombëtare.
Ish-ambasadorja në OKB dhe guvernatori i Karolinës së Jugut përshkroi një listë prioritetesh kur zgjidhte një president, duke filluar nga nevoja për të mbështetur aleatët dhe për të kërkuar llogari nga armiqtë, tek mbështetja e kapitalizmit dhe lirisë duke reduktuar borxhin kombëtar.
"Trump nuk ka qenë i përsosur në këto politika," tha Haley. “Këtë e kam bërë të qartë shumë e shumë herë. Por Biden ka qenë një katastrofë. Kështu që unë do të votoj për Trump.”
Lini një Përgjigje