FLASH
Shkruar nga Pamfleti
Në skenarët për reagimin e Izraelit ndaj Iranit, New York Times ka shpejguar pse SHBA nuk jep miratimin për një sulm ndaj objekteve bërthamore, në një situatë mjaft të ndezuar në Lindjen e Mesme.
Duke filluar me një përshkrim të një stërvitje të kryer dy vjet më parë nga dhjetëra avionë luftarakë izraelitë mbi Detin Mesdhe, duke simuluar një sulm ndaj objekteve bërthamore të Iranit, New York Times vëren se “qëllimi i stërvitjes nuk ishte thjesht të frikësonte iranianët. Ai u krijua gjithashtu për t'i dërguar një mesazh administratës së Bidenit: forcat ajrore izraelite po trajnoheshin për të kryer operacionin vetëm, edhe pse shanset për sukses do të ishin shumë më të mëdha nëse Shtetet e Bashkuara me arsenalin e tyre ishin të përfshirë në sulm”.
Sipas raportit, ish-zyrtarë dhe zyrtarë aktualë të lartë izraelitë kanë shprehur dyshime nëse Izraeli ka aftësinë për të shkaktuar dëme të konsiderueshme në objektet bërthamore të Iranit.
Megjithatë, në ditët e fundit, zyrtarët e Pentagonit kanë pyetur në heshtje nëse izraelitët po përgatiten të shkojnë vetëm, pasi kanë arritur në përfundimin se ata mund të mos e përjetojnë më kurrë një moment të tillë, shkruan NYT.
Në këtë kontekst, ata kujtojnë, nga njëra anë, paralajmërimet e Biden-it drejtuar Tel Avivit për të mos goditur objektet bërthamore apo energjetike, duke thënë se çdo përgjigje duhet të jetë "proporcionale" me sulmin iranian ndaj Izraelit .
Sekretarit Amerikan të Mbrojtjes, Lloyd Austin i ka thënë homologut të tij izraelit se SHBA-të don që Izraeli të shmangte hakmarrjen që do të çonte në përshkallëzim të mëtejshëm nga iranianët.
Objektivat bërthamore janë mbajtur për më vonë
Sipas New York Times “ka të ngjarë që hakmarrja e parë e Izraelit kundër Iranit do të fokusohet në baza ushtarake dhe ndoshta në disa vende të inteligjencës.
Të paktën fillimisht, Izraeli duket se nuk ka gjasa të sulmojë armët bërthamore të Iranit. Pas diskutimit, këto objektiva duket se janë "mbajtur" për më vonë, nëse iranianët do të përshkallëzojnë kundërsulmin e tyre."
Megjithatë, njoftimi thekson se "ka një debat në rritje brenda Izraelit, duke bërë jehonë që disa në Shtetet e Bashkuara të shfrytëzojnë momentin dhe shtyjnë për vite ose më shumë mundësinë që Irani të jetë në prag të prodhimit të një bombe bërthamore. Ndërsa pjesa më e madhe e debatit publik është përqendruar në faktin se Irani pothuajse me siguri mund të rrisë pasurimin për të prodhuar uranium për bomba brenda disa javësh, fakti më i rëndësishëm është se inxhinierëve iranianë do t'u duheshin muaj ose ndoshta më shumë se një vit për ta kthyer atë karburant në një armë funksionale”.
Zyrtarët amerikanë, të udhëhequr nga Joe Biden, po luftojnë për të hequr sulme të tilla nga tavolina, duke thënë se ato ka të ngjarë të jenë joefektive dhe mund ta zhytin rajonin në një luftë në shkallë të plotë, citon NYT.
Sipas artikullit, deri në vitin 2021, Izraeli nuk kishte asnjë plan real për të sulmuar programin bërthamor të Iranit, në vend të kësaj fokusi ishte te Hezbollahu.
Lëvizjet e ardhshme të Iranit
Pavarësisht nëse Izraeli godet apo jo objektet bërthamore të Iranit , sipas NYT, ka arsye të reja për shqetësim në lidhje me të ardhmen bërthamore të Teheranit.
Shqetësimi i parë është se Sekretari Amerikan i Shtetit Anthony Blinken ka argumentuar vazhdimisht në javët e fundit se Rusia ndan teknologjinë bërthamore me Iranin. Zyrtarët e përshkruajnë ndihmën si "ndihmë teknike" dhe thonë se nuk ka prova se po i siguron Iranit materialin që i nevojitet për të ndërtuar një kokë luftarake. Por derisa shpërtheu lufta në Ukrainë, Rusia kishte punuar me SHBA-në dhe Evropën për të frenuar programin bërthamor të Iranit, madje duke marrë pjesë në negociatat e vitit 2015 përkrah vendeve perëndimore.
Tani, nëse raportet e SHBA janë të sakta, nevoja e Rusisë për drone iraniane dhe armë të tjera do të thotë se mund të përshpejtojë përparimin e Iranit drejt ndërtimit të një pajisje bërthamore.
Shqetësimi i dytë është se dëmi i bërë Hezbollahut në javët e fundit, duke përfshirë prerjen e kokës së lidershipit të tij, mund ta bëjë Iranin të ndihet i pambrojtur. Ai nuk mund të llogarisë më në aftësinë e grupit terrorist për të goditur Izraelin. Lëvizja për të marrë një armë bërthamore mund të bëhet e vetmja mënyrë reale për të penguar Izraelin.
Dhe së fundi, shqetësimi i tretë është se programi iranian do të bëhet më i vështirë për t'u goditur. Disa vite më parë, nën syrin vigjilent të satelitëve amerikanë dhe izraelitë, Irani filloi të gërmonte një rrjet të gjerë tuneli në jug të Natanzit që nuk është ende funksionale. Në të kaluarën - kur Izraeli shkatërroi reaktorët bërthamorë ende të papërfunduar në Irak në 1981 dhe në Siri në 2007 - ishte pikërisht momenti që zgjodhi të nisë sulmet parandaluese.
Lini një Përgjigje