FLASH
Shkruar nga Pamfleti
Por, hapja e një fronti të ri do të ndizte akoma më shumë konfliktet me trikëndëshin Hezbollah-Iran-Hamas.
Izraeli po përgatit një front të ri lufte: Atë ndaj Libanit dhe Hezbollah, në të njëjtën mënyrë siç veproi në Gaza.
Kryeministri izraelit Benjamin Netanyahu në një diskutim me zyrtarët e sigurisë tha se qëllimi është të fillojë sa më shpejt të jetë e mundur një front lufte me Libanin. Zyrtarët e sigurisë besojnë se fronti verior kërkon një reduktim të forcave që luftojnë në Gaza. Sipas një ndihmësi anonim të Netanyahut, nuk është caktuar një afat kohor për transferimin, por ai mund të ndodhë brenda disa javësh ose disa muajsh, shkruan “La Repubblica”.
"Situata në veri nuk mund të vazhdojë. IDF duhet të përgatitet për një fushatë të gjerë në Liban", tha kryeministri.
Netanyahu pritet të mbajë fjalim në Asamblenë e Përgjithshme të Kombeve të Bashkuara të premten, më 27 shtator dhe të kalojë atë fundjavë në Shtetet e Bashkuara për festën hebraike të Shabatit. Netanyahu pritet të niset për në Nju Jork të martën më 24 dhe të qëndrojë pesë ditë në SHBA.
Ndërsa Hamasi propozon t'i lërë kontrollin e korridorit të Filadefit IDF-së deri në fund të konfliktit, kryeministri izraelit do të ishte i gatshëm të zhvendoste trupat në veri për të sulmuar Libanin në një shkallë të gjerë.
Izraeli bombardon përsëri Nuseirat, 3 të vrarë! Jemeni i përgjigjet me raketë
Por, hapja e një fronti të ri do të ndizte akoma më shumë konfliktet me trikëndëshin Hezbollah-Iran-Hamas.
Ndërkohë, 3 palestinezë humbën jetën dhe disa të tjerë u plagosën në një bombardim izraelit që goditi kampin e refugjatëve Nuseirat në qendër të Rripit të Gazës orët e vona të mbrëmjes së djeshme.
Sipas “Al Jazeera”, në të njëjtën zonë gjashtë zyrtarë të OKB-së humbën jetën disa ditë më parë, pas një sulmi ajror. Izraeli bombardoi shkollën e kthyer në kamp refugjatësh, ku 14 persona mbetën të vrarë ndërsa 18 u plagosën.
Gjithashtu sulm ka pasur edhe ndaj territorit izraelit. Një raketë u lëshua dhe goditi në Izraelin qendror, por nuk u regjistrua asnjë viktimë. Autoritetet thanë se raketa u lëshua nga Jemeni, një tjetër shtet në armiqësi me Tel Avivin.
Demonstrata antiqeveritare në Tel Aviv, 15 të arrestuar
Nga ana tjetër protestat në Izrael sa vijnë dhe përshkallëzohen. 15 persona u arrestuan në Tel Aviv nga policia izraelite gjatë një demonstrate, me mijëra pjesëmarrës, kundër qeverisë dhe në favor të një marrëveshjeje për lirimin e pengjeve ende të mbajtura nga Hamasi.
Kështu raporton gazeta “The Times of Israel”, duke cituar si burim Organizatën e Mbështetjes së të Paraburgosurve, e cila përfaqëson të arrestuarit. Disa prej tyre, sipas policisë, iu gjetën goma të copëtuara dhe flakadanë.
Lini një Përgjigje