FLASH
Shkruar nga Pamfleti
Presidenti turk Rexhep Tajip Erdogan e përshkroi takimin e delegacioneve ukrainase dhe ruse sot në Stamboll si "të jashtëzakonshëm" dhe tha se dëshira e tij më e madhe është që udhëheqësit e të dy vendeve të takohen në Turqi, nëse është e mundur, në prani të Donald Trump.
Duke folur pas mbledhjes së kabinetit në Ankara, presidenti turk tha se si rezultat i takimit të sotëm në ish-Pallatin Ciragan në Stamboll, numri i të burgosurve që do të shkëmbehen tejkalon një mijë, që ishte numri i të burgosurve të shkëmbyer pas takimit të parë të dy palëve ndërluftuese më 16 maj.
Ai vuri në dukje gjithashtu se përveç shkëmbimit të të burgosurve, u arrit një marrëveshje për të dorëzuar mijëra trupa ushtarësh, si nga pala ruse ashtu edhe nga ajo ukrainase. "Këto numra janë vërtet shumë të mëdhenj", tha zoti Erdogan.
Sipas presidentit turk, "është shumë e rëndësishme" që bisedimet ruso-ukrainase po zhvillohen në Stamboll dhe ai vetë u shpreh krenar për këtë: "Falë Zotit, Turqia me Stambollin është bërë një pikë qendrore për këtë çështje".
“Dëshira ime më e madhe për të dyja palët është që të sjellim z. Vladimir Putin dhe z. Volodymyr Zelensky së bashku në Stamboll ose Ankara, dhe madje që z. Trump të vijë me ta, dhe nëse ata pranojnë, do të doja të isha me ta në këtë takim dhe kështu ta shndërroja Stambollin në një qendër paqeje. Ne do të marrim iniciativën për këtë pas takimit të fundit”, tha Rexhep Tajip Erdogan.
Lini një Përgjigje