FLASH
Shkruar nga Pamfleti
Rumunët që jetojnë afër kufirit me Ukrainën janë alarmuar nga autoritetet vendase të mërkurën duke u kërkuar atyre që të strehohen teksa Rusia godet portet ukrainase përtej Danubit.
Ministria e Mbrojtjes tha se kishte gjetur pjesë të dronëve rusë në territorin rumun për herë të tretë brenda një jave, por megjithatë qeveria u ka thënë banorëve se rreziku i një përshkallëzimi ndërkufitar ishte minimal.
Menjëherë pas mesnatës me orën lokale, banorët në tetë fshatra në Rumaninë lindore filluan të merrnin mesazhe në telefonat e tyre që paralajmëronin për “mundësinë e rënies së objekteve nga hapësira ajrore përreth”.
“Qëndroni të qetë! strehohuni në bodrume ose në strehimoret e mbrojtjes civile,” tha ai. “Në mungesë të strehës, qëndroni brenda shtëpisë, larg dritareve dhe mureve të jashtme”.
Ministria e Mbrojtjes e Rumanisë tha se kishte zbuluar një grup dronësh që po shkonin drejt porteve të Ukrainës, pikërisht përtej Danubit nga Rumania, që Rusia i ka vënë në shënjestër gjithnjë e më shumë javët e fundit.
Ndërkohë strehimoret e betonit për bomba po ndërtohen në fshatin rumun të Plauru - i cili ndodhet në kufirin midis Ukrainës dhe Rumanisë - nga njësitë inxhinierike të ushtrisë.
Ministria e mbrojtjes e vendit ka thënë se do të vendosë trupa shtesë në zonë dhe do të rrisë patrullimet dhe pikat e vëzhgimit, ndërsa banorët vendas do të marrin njoftime për t'u strehuar.
Lini një Përgjigje