FLASH
Shkruar nga Pamfleti
Ministri i Mbrojtjes i Izraelit, Israel Katz, deklaroi të enjten se më shumë se 200 luftëtarë të Hezbollahut janë vrarë gjatë një vale të gjerë sulmesh në të gjithë Libanin.
Në një deklaratë video, të cituar nga Times of Israel, Katz e cilësoi operacionin me emrin “Errësirë e Përjetshme” si një goditje të fortë ndaj Hezbollahut, duke theksuar se organizata është kapur në befasi nga thellësia e depërtimit dhe shkalla e sulmit.
Sipas tij, numri total i të vrarëve në këtë fushatë ka kaluar 1,400. Katz shtoi se Hezbollah po kërkon armëpushim, ndërsa, sipas tij, edhe mbështetësit iranianë të grupit po ushtrojnë presion dhe po shprehin shqetësim për mundësinë e një goditjeje edhe më të fortë nga Izraeli.
Ai deklaroi gjithashtu se Forcat e Mbrojtjes së Izraelit (IDF) janë të përgatitura për të vepruar nëse Irani ndërmerr sulme kundër Izraelit. Në këtë kontekst, ai përmendi synimin për krijimin e një “zone sigurie” të re në jug të Libanit.
Lini një Përgjigje