FLASH
Shkruar nga Pamfleti
Të paktën dy zyrtarë të profilit të lartë rusë i kanë bërë thirrje Kremlinit të përdorë armë bërthamore kundër Ukrainës si hakmarrje për një sulm të supozuar me dron në rezidencën e Kremlinit të Vladimir Putinit.
Kryetari i Dumës së Shtetit, Vyacheslav Volodin të mërkurën e quajti tentativën për një "sulm terrorist", ndërsa pretendoi se ishte orkestruar nga presidenti ukrainas, Volodymyr Zelensky personalisht.
"Nuk mund të ketë negociata... Ne do të kërkojmë përdorimin e armëve që mund të ndalojnë dhe shkatërrojnë regjimin terrorist në Kiev," shkroi Volodin në Telegram, duke lënë të kuptohet se Rusia do të përdorë armë bërthamore taktike.
Këto thirrje u bënë jehonë shpejt nga ish-shefi hapësinor i Rusisë Dmitry Rogozin, i cili publikoi një video përditësim të enjten nga vijat e frontit në rajonin juglindor të Ukrainës Zaporizhzhya, ku ai aktualisht po punon si këshilltar ushtarak.
"Një luftë e afërt ajrore vdekjeprurëse pritet. Rusia megjithatë mund të shmangë një numër të konsiderueshëm viktimash duke përdorur armët taktike bërthamore kundër Kievit në mënyrë parandaluese. Sipas doktrinës sonë [bërthamore] ne kemi të drejtë të përdorim armë bërthamore taktike sepse për këtë ekzistojnë ato", tha Rogozin, duke vënë në dukje se forcat ruse po përgatiteshin në mënyrë aktive për kundërsulmin e Ukrainës.
Megjithatë, udhëheqësi i grupit të diskutueshëm mercenar Wagner, Yevgeniy Prigozhin, dha një notë të papritur kujdesi dhe paralajmëroi kundër kërcënimeve të rastësishme për përdorimin e armëve bërthamore.
“Si një person me mendje radikale mund të them se sigurisht që nuk duhet të flitet për përdorimin e armëve bërthamore në hakmarrje ndaj një droni”, tha Prigozhin
Duke këshilluar përgjegjësit që në vend të kësaj të gjenin dhe të ndëshkonin këdo që ishte përgjegjës për parandalimin e sulmeve me dronë dhe për të përmirësuar aftësitë ushtarake të Rusisë për ta lejuar atë të hakmerrej, Prigozhin tha se bërja e kërcënimeve të tilla disproporcionale ndaj Perëndimit i bëri ata "të duken si klloun".
Lini një Përgjigje