FLASH
Shkruar nga Pamfleti
Rusia thotë se është duke pritur për një sinjal nga Ukraina për të nisur negociatat e drejtpërdrejta për t’i dhënë fund luftës.
I pyetur nëse Ukraina duhet të jetë ajo që do të nisë bisedimet e drejtpërdrejta, zëdhënësi i Kremlinit, Dmitry Peskov tha se ‘topi është në fushën e Kievit’.
“Të paktën Kievi duhet të ndërmarrë disa veprime në këtë drejtim. Deri më tani ne nuk shohim asnjë veprim”, tha Peskov.
Deklaratat e Kremlinit vijnë pak ditë pasi presidenti rus Vladimir Putin zhvilloi një takim të gjatë prej tre orësh me biznesmenin amerikan Steve Witkoff. Sipas zëdhënësit Peskov, në këtë takim është diskutuar edhe për mundësinë e rifillimit të bisedimeve të drejtpërdrejta me Kievin, duke sinjalizuar se Moska po kërkon kanale të ndryshme për të zbutur tensionet.
Ndërkohë, autoritetet ukrainase nuk kanë reaguar ende publikisht lidhur me këtë ftesë joformale për dialog, ndërsa pozicionet e mëparshme të presidentit Volodymyr Zelensky kanë qenë të prerë kundër çdo negociate që nuk përfshin tërheqjen e trupave ruse nga territoret e pushtuara.
Pavarësisht thirrjeve ndërkombëtare për paqe, terreni diplomatik mbetet i ngrirë, ndërsa luftimet vijojnë me intensitet në lindje dhe jug të Ukrainës. Vëzhguesit ndërkombëtarë mbeten skeptikë për mundësinë e afrimit të shpejtë të palëve, për sa kohë që pozicionet e tyre mbeten diametralisht të kundërta.
Lini një Përgjigje