FLASH
Shkruar nga Pamfleti
Zëdhënësi i Kremlinit, Dmitry Peskov, ka deklaruar se Rusia do të organizojë ndjekjen ligjore të atyre që janë përfshirë në konfiskimin e aseteve të saj në Evropë.
Peskov tha se ideja e Perëndimit për të shitur asetet ruse, nuk është gjë tjetër veçse vjedhje e hapur dhe shkelje e të Drejtës Ndërkombëtare.
“Sigurisht, ne do të eksplorojmë mundësinë e ndjekjes juridike, ligjore të atyre individëve që janë të përfshirë në marrjen e vendimeve dhe në zbatimin e këtyre vendimeve, sepse kjo është shkelje e drejtpërdrejtë e së drejtës ndërkombëtare, nëpërkëmbje e së drejtës së pronës, etj. përpara”, u tha gazetarëve zëdhënësi i Kremlinit.
Më tej ai shtoi se kjo formë e sanksioneve perëndimore është më e keqja, pasi asetet ruse thjesht do të shiten për të blerë më shumë armë, që përkthehet në një luftë më të gjatë.
“Evropa zgjodhi mënyrën më të keqe kur vendosi të përdorë asetet e ngrira ruse për të ndihmuar Kievin, Këto para nuk vidhen vetëm në thelb, por shpenzohen më tej për të blerë armë. Ndoshta është e vështirë të mendohet diçka më e keqe", shtoi ai.
Lini një Përgjigje