FLASH
Shkruar nga Pamfleti
Komisioneri i Lartë i OKB-së për të Drejtat e Njeriut, Volker Türk, u ka bërë thirrje qeverive në mbarë botën që të përdorin ndikimin e tyre dhe të ushtrojnë presion mbi Izraelin për t'i dhënë fund luftës në Gaza.
Në një deklaratë video, të publikuar përpara një konference mbi Palestinën që hapet nesër në Nju Jork, ai thotë se çdo ditë shohim "më shumë shkatërrime, më shumë vrasje dhe dehumanizim të mëtejshëm të palestinezëve".
Ai thotë se Izraeli ka "detyrime" për të siguruar që popullatës t'i ofrohen ushqim dhe gjëra të domosdoshme për shpëtimin e jetës, dhe të gjitha vendet duhet të ndërmarrin "hapa konkretë" për t'u siguruar që kjo të ndodhë.
Ai bën thirrje për dërgimin e ndihmës humanitare "masive" në Gaza, si dhe një "armëpushim të menjëhershëm dhe të përhershëm [dhe] lirimin e menjëhershëm dhe pa kushte të të gjithë pengjeve".
Lini një Përgjigje