FLASH
Shkruar nga Pamfleti
Prokuroria Themelore në Beograd ka nisur hetimet pas incidentit të sotëm në Parlamentin serb. Me kërkesë të policisë, po mblidhen informacionet e nevojshme në hapësirat e të cilit u hodhën mjete piroteknike dhe bomba me tym.
Prokuroria bën me dije se kërkesa është bërë me qëllim përcaktimin e autorëve dhe për të kuptuar nëse ekzistojnë elementë të veprës penale, "vepra të rënda kundër sigurisë së përgjithshme".
Kuvendi i Serbisë u përfshi nga kaosi kur një deputet i opozitës nuk u lejua të flasë në foltoren e Parlamentit. Deputetë të Qeverisë dhe opozitës u konfliktuan, ndërkohë që në sallë u hodhën fishekzjarre dhe tymuese.
Pavarësisht kaosit dhe përplasjeve, kryetarja e Kuvendit, Ana Brnabiç vijoi seancën, ndërsa njoftoi se një deputete, e cila u godit nga një bombë tymuese është në gjendje të rrezikshme për jetën. Deputetja Jasmina Obradoviç u transportua drejt spitalit pasi pësoi një goditje në tru.
Lini një Përgjigje