FLASH
Shkruar nga Pamfleti
Personi, i cili dyshohet se shkaktoi aksidentin tragjik është në gjendje të rëndë psikologjike.
Stacionisti 59-vjeçar u ka bërtitur atyre që e kanë parë: “Kam 35 arkivole mbi shpinë...” . Ndërkohë ai ka planifikuar që të dielën në orën 11.00 të flasë publikisht dhe të kërkojë falje për jetët e humbura.
Shefi i stacionit përballet me akuza të rënda për shkelje të sigurisë së transportit si dhe për vrasje nga pakujdesia.
Sipas asaj që tha avokati i drejtorit të stacionit, Stefanos Pantzartzidis, klienti i tij "merr pjesën e tij të përgjegjësisë" duke lënë të hapur mundësinë që përgjegjësitë të kalojnë edhe te persona të tjerë.
Policia e Larisës ka sekuestruar materiale në zyrën e stacionistëve, të cilat pritet të hedhin dritë mbi atë çka ndodhi minutat para aksidentit dhe për të gjetur arsyen pse ky i fundit futi në të njëjtat binarë dy trenat. Kjo tragjedi la të vdekur 57 persona, 56 të zhdukur dhe 48 të plagosur dhe zhyti vendin në zi.
Lini një Përgjigje