FLASH
Shkruar nga Pamfleti
Pesë njerëz pritet të grumbullojnë të paktën 1 trilion dollarë pasuri brenda dekadës së ardhshme, nëse trendet aktuale vazhdojnë, sipas raportit vjetor të pabarazisë të Oxfam, të publikuar të dielën.
Shefi ekzekutiv i Tesla dhe SpaceX, Elon Musk, aktualisht personi më i pasur në botë me një pasuri prej 430 miliardë dollarësh, pritet të kalojë kufirin brenda 5 vitesh.
Së shpejti atij do t’i bashkohet themeluesi i Amazon, Jeff Bezos, themeluesi i Oracle, Larry Ellison, CEO i Meta, Mark Zuckerberg dhe CEO i LVMH, Bernard Arnault dhe familja.
Raporti i Oxfam, i cili bazohet në të dhënat e përpiluara nga Forbes, përkon me takimin vjetor të Forumit Ekonomik Botëror në Davos, Zvicër, një mbledhje elitare e disa prej njerëzve më të pasur dhe liderëve botërorë.
2024 ishte një vit shumë fitimprurës për individët dhe familjet më të pasura në botë, i nxitur pjesërisht nga rritja e tregut të aksioneve në SHBA, zbuloi Oxfam.
Pasuri e trashëguar
Raporti i këtij viti i Oxfam, i titulluar “Takers no Makers”, gjithashtu thekson se më shumë se një e treta e pasurisë së miliarderëve rrjedh nga trashëgimia.
Ky transferim i aseteve ndihmohet nga fakti se dy të tretat e vendeve nuk tatojnë trashëgiminë ndaj pasardhësve të drejtpërdrejtë.
Lini një Përgjigje