FLASH
Shkruar nga Pamfleti
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” të caktuar më herët në mungesë për Sajmir Kolaverin.
Kolaveri u ekstradua një ditë më parë nga Italia, ku ishte lokalizuar pas shpalljes në kërkim në kuadër të hetimeve për vrasjen dhe zhdukjen e kufomës së Klevis Lleshit, ngjarje e ndodhur në vitin 2020 në Burrel.
Ai dyshohet për veprat penale “vrasje për gjakmarrje”, “fshehja ose asgjësimi i kufomës”, si dhe për pjesëmarrje në grup të strukturuar kriminal, kryerje të veprave penale nga grupi i strukturuar kriminal dhe organizata kriminale.
Sajmir Kolaveri është familjar i Aurel Hoxhës, i cili gjithashtu është shpallur në kërkim dhe dyshohet si porositësi i vrasjes së Klevis Lleshit.
Gjatë seancës gjyqësore, Kolaveri ka mohuar akuzat e ngritura ndaj tij, duke deklaruar se nuk ka asnjë lidhje me ngjarjen për të cilën po hetohet. Hetimet për zbardhjen e plotë të ngjarjes vijojnë nga autoritetet.
Lini një Përgjigje