FLASH
Shkruar nga Pamfleti
Një aksident rrugor është regjistruar pasditen e sotme në aksin nacional Pogradec–Qafë Thanë, në afërsi të fshatit Pojskë.
Sipas informacioneve paraprake, dy automjete janë përplasur me njëra-tjetrën, ndërsa si pasojë e aksidentit kanë mbetur të lënduar dy persona.
Të plagosurit janë transportuar menjëherë drejt Spitalit të Pogradecit, ku po marrin ndihmën e nevojshme mjekësore. Deri më tani nuk ka informacione zyrtare mbi gjendjen e tyre shëndetësore.
Në vendngjarje kanë mbërritur shërbimet e Policisë Rrugore, të cilat po kryejnë veprimet procedurale dhe po punojnë për zbardhjen e plotë të rrethanave dhe shkaqeve të aksidentit.
Autoritetet pritet të japin detaje të tjera lidhur me ngjarjen pas përfundimit të hetimeve paraprake.
Lini një Përgjigje