FLASH
Shkruar nga Pamfleti
Shtetet e Bashkuara kanë shpenzuar 18 miliardë dollarë për ndihmë ushtarake për Izraelin që nga fillimi i luftës në Gaza.
Një shifër rekord, e cila ka favorizuar zgjerimin e konfliktit në Lindjen e Mesme.
Ky bilanc ka dalë nga raporti 'Costs of War' i Universitetit Amerikan Brown, botuar në përvjetorin e 7 tetorit.
4.8 miliardë dollarë të tjerë u investuan në operacionet ushtarake të SHBA-së në rajon, përfshirë fushatën kundër sulmeve të Houthi-ve ndaj anijeve tregtare.
Në total gati 23 miliardë në vetëm një vit.
4 miliardë u shpenzuan për furnizimin e sistemeve të mbrojtjes raketore të Iron Dome dhe David's Sling dhe 1.2 miliardë të tjera për sistemin e mbrojtjes Iron Beam , i cili është në zhvillim e sipër dhe shërben për të luftuar kërcënimet me raketa me rreze të shkurtër dhe mortaja, 3.5 miliardë dollarë për prokurimin e sistemeve të avancuara të armëve , artikujve të mbrojtjes dhe shërbimeve të mbrojtjes përmes Programit të Financimit të Ushtrisë së Jashtme.
Një miliard për përmirësimin e prodhimit dhe zhvillimit të artilerisë dhe municionit, 4.4 miliardë dollarë për furnizime për të zëvendësuar stoqet e armatimeve të transferuara në Izrael. Tel Avivi mori këstin e tij të zakonshëm vjetor të ndihmës ushtarake prej 3.8 miliardë dollarësh, duke e çuar mbështetjen totale në 17.9 miliardë dollarë.
Studimi shpjegon se gati 18 miliardë janë ende një shifër e pjesshme, e destinuar të rritet për shkak të pagesave të miratuara tashmë, por të shpërndara në vitet e ardhshme.
Për të gjetur vite me alokime të krahasueshme, duhet të kthehemi në fund të viteve 1970, kur shuma e shpenzuar nga SHBA ishte ende në 14 miliardë dollarë. Më pas, shpenzimet për Lindjen e Mesme ishin rreth 5 miliardë në vit. Raporti i Universitetit Brown është një nga vlerësimet e para të kostove të SHBA-së në luftë.
Më 13 gusht 2024, administrata Biden njoftoi, për shembull, marrëveshje të reja armësh prej 20.3 miliardë dollarësh për Izraelin. Angazhimet që do të zbatohen nëpërmjet programit të Shitjeve Ushtarake të Jashtme , i cili përfshin marrëveshje të miratuara nga Departamenti i Shtetit dhe më pas të ekzekutuara nga Pentagoni. Këto sisteme mbrojtëse, të cilat do të dorëzohen gjatë disa viteve, përfshijnë 50 avionë luftarakë Boeing F15 me një kosto prej 18.8 miliardë dollarë . Më 25 shtator, senatori Bernie Sanders prezantoi një rezolutë që mund të bllokonte marrëveshjen nëse merr vota të mjaftueshme në të dy dhomat e Kongresit.
Shtetet e Bashkuara kanë qenë furnizuesi kryesor i armëve i Izraelit për gjysmë shekulli. Tel Avivi është marrësi më i madh në botë i ndihmës amerikane që nga Lufta e Dytë Botërore. Aktualisht është ende në veprim një marrëveshje 10-vjeçare, 38 miliardë dollarë për ndihmë ushtarake , e negociuar nën administratën e Obamës, e cila zgjat nga 2019 deri në 2028. Kjo marrëveshje përfshin 3.3 miliardë dollarë ndihmë ushtarake në vit që mund të shpenzohen për çdo pajisje ushtarake, plus 500 dollarë milion të destinuara për financimin e sistemeve të ndryshme të mbrojtjes raketore izraelite.
Lini një Përgjigje