FLASH
Shkruar nga Pamfleti
Sulmet ajrore në Dahieh vazhdojnë për disa orë; Kuvajti u kërkon qytetarëve të largohet menjëherë nga Libani
Forcat ushtarake të Israelit kanë kryer një seri goditjesh ajrore në Dahieh, periferinë jugore të Beirut, zonë që Tel Avivi e konsideron bastion të organizatës Hezbollah.
Ushtria izraelite deklaroi se avionët luftarakë kanë goditur infrastrukturë ushtarake të Hezbollahut në këtë zonë urbane. Banorët raportuan shpërthime të forta që vazhduan për disa orë gjatë natës.
Autoritetet izraelite kishin lëshuar më herët urdhra evakuimi për Dahieh. Kjo përbën një zgjerim të dukshëm të paralajmërimeve të mëparshme, të cilat zakonisht kufizoheshin vetëm në ndërtesa të veçanta.
Sulmet e fundit zhvillohen ndërsa tensionet në rajon mbeten të larta për shkak të përplasjes së drejtpërdrejtë mes Iran dhe Izraelit dhe përfshirjes së grupeve aleate në Liban.
Mes bombardimeve, ambasada e Kuwait në Liban u bëri thirrje qytetarëve të saj të largohen sa më shpejt nga territori libanez për arsye sigurie. Diplomacia kuvajtiane paralajmëroi për rrezikun e përshkallëzimit të konfliktit në kryeqytetin libanez.
Lini një Përgjigje