FLASH
Shkruar nga Pamfleti
Ushtria izraelite thotë se ka goditur qindra objekte në Gaza gjatë 24 orëve të fundit, duke synuar infrastrukturën e Hamasit.
Duke qenë se fushata e saj ajrore nuk tregon asnjë shenjë përfundimi, Izraeli thotë se vendet e lëshimit të raketave antitank, tunelet dhe selitë janë shkatërruar
Gaza mbetet nën rrethim, me Izraelin që ka bllokzar furnizimet ndërkufitare me ujë, energji elektrike dhe karburant.
Por SHBA dhe Egjipti thonë se kamionët që ofrojnë ndihmë duhet të fillojnë të kalojnë nga Egjipti në Gaza të premten.
Kryeministri i Mbretërisë së Bashkuar Rishi Sunak do të mbërrijë në Izrael të enjten, një ditë pasi Joe Biden vizitoi Tel Avivin.
Udhëtimi i Biden u la në hije nga një shpërthim në një spital në Gaza, ku zyrtarët lokalë thonë se vrau 471 njerëz.
Autoritetet lokale thonë se për sulmin ajror izraelit ishte fajtor, por Izraeli këmbëngul se shpërthimi ishte shkaktuar nga një raketë e gabuar nga Gaza.
Situata në terren
Ministria e Shëndetësisë e Gazës, që udhëhiqet nga Hamasi, tha të mërkurën se 3.478 palestinezë janë vrarë dhe më shumë se 12 mijë të tjerë janë plagosur në 11 ditët e fundit.
Zyra e kryeministrit të Izraelit, Benjamin Netanyahu, tha të mërkurën se do ta lejojë futjen e ndihmave humanitare në Rripin e rrethuar të Gazës përmes pikëkalimit kufitar me Egjiptin.
Griffiths tha të mërkurën vonë se “numër një, ne duhet të sigurohemi se mund të futemi brenda Gazës çdo ditë në mënyrë të vazhdueshme dhe besueshme”.
“Numër dy, ne duhet të jemi në gjendje të shkojmë tek civilët në mënyrë të sigurt. Ligji ndërkombëtar ekziston për një arsye”, theksoi ai.
Nuk është e qartë se kur do të fillojë dërgimi i ndihmave humanitare në Gazë.
Por, Griffiths tha se shpreson se dërgimi i ndihmave do të fillojë në dy ditët e ardhshme, duke shtuar se OKB-ja i ka rreth 14 mijë anëtarë në Rripin e Gazës të gatshëm për t’i shpërndarë ndihmat.
Griffiths nguli këmbë se ndihmat do të shkojnë të popullata civile dhe jo te Hamasi, i cili e kontrollon Gazën, shtëpinë e rreth 2.3 milionë palestinezëve.
Gjatë një vizite në Izrael të mërkurën, presidenti amerikan Joe Biden tha se Izraeli është pajtuar t’i lejojë ndihmat humanitare në enklavën e varfëruar, madje edhe derisa është duke e bombarduar atë si përgjigje ndaj sulmeve të Hamasit në Izrael.
Izraeli, i cili i kontrollon pothuajse të gjitha pikëkalimet e Gazës, thotë se nuk do të lejojë futjen e ndihmave përmes tokës së vet “derisa të lirohen të gjitha pengjet”.
Ushtria e Izraelit i nisi bombardimet dhe e rrethoi Rripin e Gazës, duke mos lejuar futjen e ushqimit, ujit dhe karburantit dhe duke ndërprerë furnizimin me rrymë, menjëherë pasi militantët e Hamasit kryen sulme në disa qytete jugore izraelite më 7 tetor.
Lini një Përgjigje