FLASH
Shkruar nga Pamfleti
Mijëra izraelitë morën ditën e sotme mesazhe “të rreme” me tekst që i kërkonin të shkonin të strehoheshin në një zonë të mbrojtur kundër bombardimeve.
“Duhet të hyni në një zonë të mbrojtur”, thuhet në mesazh, citon gazeta “The Jerusalem Post”.
Komanda e Frontit të Brendshëm të ushtrisë izraelite mohoi të kishte dërguar këto mesazhe. Transmetuesi publik izraelit “KAN” njoftoi se dyshohej se Irani kishte dërguar mesazhe të rreme emergjente.
Izraeli mbetet në gatishmëri të lartë në pritje të një përgjigjeje nga Hezbollahu i mbështetur nga Irani pas dy valëve të shpërthimeve të pajisjeve të komunikimit që vranë dhjetëra libanezë në të gjithë Libanin dhe plagosën mijëra të tjerë.
Shpërthimet erdhën në mes të një përshkallëzimi në luftën ndërkufitare midis Izraelit dhe Hezbollahut që nga fillimi i luftës vdekjeprurëse të Izraelit në Rripin e Gazës, ku ka vrarë mbi 41,200 njerëz, kryesisht gra dhe fëmijë.
Lini një Përgjigje