FLASH
Shkruar nga Sally Lockwood
Çfarë jave e pazakontë. Është bërë e vështirë të ndiqet mesazhi që vjen nga Shtëpia e Bardhë.
Vetëm pak orë pasi kërcënoi Iranin se do ta godiste “shumë ashpër” pas tri netëve radhazi sulmesh, Donald Trump deklaroi se lufta kishte përfunduar. Presidenti amerikan po rikthen edhe një herë idenë e një marrëveshjeje të afërt, për të cilën ka folur prej javësh, megjithëse deri tani nuk është materializuar asgjë konkrete.
“Kam hequr dorë nga përpjekja për ta ndjekur këtë”
Mes banorëve të Lindjes së Mesme është vënë re një ndryshim i qartë në mënyrën se si perceptohen postimet e Donald Trump në platformën Truth Social.
Në fillim të prillit, kur ai paralajmëronte se “një qytetërim i tërë do të vdesë sonte”, shumë njerëz u frikësuan.
Dhjetëra ndjekës më dërgonin mesazhe në rrjetet sociale, të alarmuar dhe të shqetësuar. Megjithatë, vetëm disa orë më vonë u njoftua armëpushimi.
Tani, disa nga të njëjtët persona reagojnë me emoji qesharake kur ndaj përditësimet e Donald Trump. “Kam hequr dorë nga përpjekja për ta ndjekur këtë”, shkroi një banor i Dubait.
A kemi qenë këtu më parë?
Lajmi se nata e tretë e sulmeve amerikane ndaj Iranit u anulua është pa dyshim, një zhvillim i mirëpritur për njerëzit që jetojnë në rajon.
Megjithatë, ideja se lufta do të marrë shumë shpejt një fund përfundimtar dhe të qartë, mbetet e vështirë për t’u besuar për banorët që po i ndjekin nga afër zhvillimet.
Për shumë prej tyre, kjo situatë duket e njohur. Ata kanë parë disa herë më parë presidentin amerikan të paraqesë një panoramë që duket larg realitetit të ngjarjeve në terren në Lindjen e Mesme.
Kush e di, ndoshta këtë herë mund të jetë ndryshe./ Nga "Sky News"
Lini një Përgjigje